Bragð af íslenskum jólum í vetrarlínu Omnom

Vetrarlína Omnom er komin út og að þessu sinni er vetrarsúkkulaðið innblásið af íslenskum jólahefðum.

„Þetta er sérstakur tími fyrir okkur og fylgir vetrarsúkkulaðinu ávallt mikil spenna,“ segir Kjartan Gíslason súkkulaðigerðarmaður og einn stofnenda Omnom. 

Í ár hefur Omnom endurvakið þrjár bragðtegundir fyrri ára sem þykja minna einna helst á minningar liðinna jóla og er innblásturinn fenginn úr matarhefðum, bragðtónum og íslenskum venjum og siðum sem hringja inn jólin. Vetrarlína Omnom í ár samanstendur af Dark Nibs + Raspberry, Milk+ Cookies og Spiced White + Caramel. 

„Þessi súkkulaði eru öll mjög ólík en passa vel saman. En í ár eru súkkulaðistykkin einnig fáanleg í fallegri gjafaöskju sem tónar vel við þemað í ár og fullkomnar vetrarlínuna,” útskýrir Kjartan.

„Við leggjum mikið upp úr heildarmyndinni, þetta snýst þess vegna um miklu meira en bara bragðtegundina. En heildarupplifunin á að færa fólki hinn sannkallaða jólaanda og vekja upp þessar sérstöku jólaminningar sem það tendrar í okkur,“ segir Kjartan ennfremur. 

„Þetta hefur verið einstaklinglega skemmtileg ferli, bæði að fínpússa uppskriftirnar og vinna með nýju fólki. Við fórum t.d. í samstarf með Brauð&co fyrir Milk + Cookies stykkið og fengum þá til að búa til hina fullkomnu krydduðu smáköku sem fer ofan á mjólkursúkkulaðið.“

Viðbrögðin hafa ekki staðið á sér, en Omnom hefur þurft að auka við framleiðsluna til að anna eftirspurn. „Þetta er það sem kallað er lúxúsvandamál,“ segir Kjartan og hlær. 

Vetrarlína Omnom er fáánleg í sérvöldum verslunum.

Þessi kynning er unnin í samstarfi við Omnom.