Lingard tapaði á fatalínunni

Rekstur JLingz, fatalínu Jesses Lingard, leikmanns Manchester United, gengur ekki sem skyldi. Á fyrsta rekstrarárinu tapaði hún rúmlega 200.000 pundum.

Fyrirtækið var stofnað í fyrra. Opnunarpartíið var haldið í desember á síðasta ári þar sem mikið var um dýrðir.

Rekstur fatalínunnar hefur þó ekki gengið vel og er kannski í takti við frammistöðu Lingards inni á vellinum.

Hann hefur verið harðlega gagnrýndur fyrir slaka spilamennsku að undanförnu og fyrir að vera ekki með fótboltann í fyrsta sæti.

Lingard hefur leikið ellefu leiki með United í öllum keppnum í vetur en ekki enn skorað mark. Hann hefur alls leikið 178 leiki fyrir United og skorað 29 mörk.