Sunneva Einars slær sér upp með syni ráðherra

Benedikt Bjarnason og Sunneva Einarsson samfélagsmiðlastjarna eru eitt nýjasta par landsins. Þau hafa verið að rugla saman reitum undanfarnar vikur og nú búin að opinbera sambandið fyrir vinum og kunningjum.

Benedikt, sem er 21 árs og oftast kallaður Bensi, er Garðbæingur, starfsmaður Vodafone og kemur af mikilli stjórnmálaætt. Hann er sonur Bjarna Benediktssonar fjármálaráðherra og Þóru Margrétar Baldvinsdóttur hönnunarráðgjafa.

Sunneva, sem er tveimur árum eldri en Bensi, hefur vakið mikla athygli á Instagram þar sem hún er með 44 þúsund fylgjendur. Þar situr hún reglulega fyrir í nærfötum og leggur mikla vinnu í myndirnar.

„Það fer mjög mikið eftir því hvort ég er að eiga góðan dag eða ekki. Ef hárið er í lagi eða make-upið en þetta getur tekið upp í tvo til þrjá tíma,“ sagði Sunneva sem var gestur í þættinum Einkalífinu á Vísi í nóvember í fyrra.

Þar sagði hún að vinkonur hennar og litla systir væru duglegar að hjálpa sér að taka myndirnar. Hægt er að horfa á viðtalið við Sunnevu hér fyrir neðan.