Prestur bjargaði föður brúðarinnar þegar jakkinn varð alelda í miðri athöfn Kristín Ólafsdóttir skrifar 5. október 2019 11:49 Séra Karen við athöfnina í Þingvallakirkju í gær. Til hægri má sjá möppuna góðu, sem sér lítið á en stybban leggur þó af henni. Mynd/Samsett Snör viðbrögð Karenar Lindar Ólafsdóttur prests við hjónavígslu í Þingvallakirkju í gær komu í veg fyrir að ekki fór verr þegar jakki föður brúðarinnar varð alelda í miðri athöfn. Þá hafi flíspeysa, sem maðurinn klæddist af tilviljun innanundir jakkanum, forðað honum frá alvarlegum áverkum. Brúðhjónin, sem eru frönsk og þýsk, komu hingað til lands ásamt fjölskyldum sínum til að gifta sig. Karen segir að mikið hafi verið lagt upp úr skreytingum, komið hafi verið með þurrkuð blóm og kerti tendruð í kirkjunni. Athöfnin hófst svo upp úr hádegi í gær. „Allt gengur vel og þau eru svo að fara með heitin til hvors annars á rosalega tilfinningaþrunginni stundu þegar ég finn allt í einu lykt. Ég leit í kringum mig og sá ekki neitt en öll kerti virtust í lagi, þau voru bara tvö eða fjögur,“ segir Karen.Hafði greinilega logað í svolítinn tíma Þegar annað brúðhjónanna hafði klárað heitin og hitt hafist handa varð Karen litið upp og sá þá glampa í einum glugga kirkjunnar. „Ég hugsaði að þetta væri skrýtið vegna þess að það var engin sól úti. Af einhverri tilviljun ákvað ég að hlaupa að glugganum og þegar ég kem þangað sé ég að jakki mannsins er alelda. Hann hélt á myndbandsupptökuvél og hafði greinilega logað í svolítinn tíma. Eldurinn var kominn upp bakið á honum og að hálsmálinu,“ segir Karen. Beitti prestsmöppunni Hún sá strax að ekki væri hægt að fá vatn í kirkjuna í tæka tíð og leitaði því annarra leiða til að slökkva eldinn. Sérstaklega þar sem faðir brúðarinnar byrjaði þá strax að fara úr jakkanum, sem Karen leist ekki á – svona innan í timburkirkju. „Sem betur fer hafði ég fengið veglega leðurmöppu þegar ég vígðist til prests fyrir blöðin mín við athafnir. Þannig að ég tók möppuna og lamdi manninn eins og ég gat, slökkti þannig eldinn og það er alveg stæk brunalykt. Mappan mín er líklega ónýt, leðrið er alveg brunnið,“ segir Karen.Þingvallakirkja var reist árið 1859 og er öll úr timbri. Það var því mikil mildi að ekki fór verr þegar eldurinn kviknaði við athöfnina í gær.Vísir/Vilhelm„Ég talaði svo strax við þjóðgarðsvörðinn og lét þau vita að þau hefðu í leyfisleysi kveikt á kertunum og þetta hefði gerst. Þannig að við munum þurfa að herða á reglunum varðandi þetta.“Flíspeysan bjargaði málunum Af einskærri tilviljun var maðurinn klæddur í flíspeysu innanundir jakkanum, sem virðist hafa varið hann eldinum. „Pabba brúðarinnar var svo kalt að hann var í flíspeysunni. Flíspeysan bráðnaði við jakkann og skyrtuna en hann slapp alveg. Ef hann hefði ekki verið með flíspeysuna sína á milli þá hefði hann líklega brunnið þannig að við hefðum þurft að kalla út þyrlu. Jakkinn fuðraði bara upp.“ Karen segir að hún hafi ákveðið að taka létta nálgun á aðstæðurnar eftir að öruggt var að maðurinn væri heill á húfi. „Ég blés á öll kerti og sá til þess að engin glóð væri eftir. Og sagði svo að þetta væri í fyrsta sinn sem heitin hafa verið svo heit að það hafi „actually“ kviknað í einhverjum. Svo héldum við bara áfram og þau giftu sig.“ Þakkaði fyrir lífbjörgina Brúðhjónin, fjölskylda þeirra og aðrir gestir hafi þó bersýnilega komist í töluvert uppnám. „Ég tók stjórnina í aðstæðunum, róaði alla niður og kláraði athöfnina því þau eru auðvitað búin að leggja mikla vinnu í þennan dag, en svo var áfallið að hellast yfir þau þegar athöfninni var lokið og þegar þau sáu skemmdirnar á jakkanum. Pabbi brúðarinnar kom svo nokkrum sinnum til mín og faðmaði mig og þakkaði mér fyrir að hafa bjargað lífi sínu.“Er þetta það svakalegasta sem þú hefur lent í við prestsstörfin?„Maður hefur auðvitað lent í alls konar. Fólk hefur verið fast í rútu einhvers staðar, eitthvað gleymist eða móðir brúðarinnar dettur í klettum en þetta er í fyrsta skipti sem kviknar í einhverjum,“ segir Karen. „Sem betur fer er þetta saga sem við getum lært af og er svolítið fyndin. En þetta hefði getað verið allt önnur saga ef hann hefði slasast.“ Trúmál Þingvellir Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Falsað myndband af kennara og nemanda fór í dreifingu Innlent Pallborðið: Stungið höfðinu í sandinn í tuttugu ár Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Innlent Fleiri fréttir Kvíðið starfsfólk, handtökur og fornminjafundur Starfsmenn Kubbs og Terra grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Sjá meira
Snör viðbrögð Karenar Lindar Ólafsdóttur prests við hjónavígslu í Þingvallakirkju í gær komu í veg fyrir að ekki fór verr þegar jakki föður brúðarinnar varð alelda í miðri athöfn. Þá hafi flíspeysa, sem maðurinn klæddist af tilviljun innanundir jakkanum, forðað honum frá alvarlegum áverkum. Brúðhjónin, sem eru frönsk og þýsk, komu hingað til lands ásamt fjölskyldum sínum til að gifta sig. Karen segir að mikið hafi verið lagt upp úr skreytingum, komið hafi verið með þurrkuð blóm og kerti tendruð í kirkjunni. Athöfnin hófst svo upp úr hádegi í gær. „Allt gengur vel og þau eru svo að fara með heitin til hvors annars á rosalega tilfinningaþrunginni stundu þegar ég finn allt í einu lykt. Ég leit í kringum mig og sá ekki neitt en öll kerti virtust í lagi, þau voru bara tvö eða fjögur,“ segir Karen.Hafði greinilega logað í svolítinn tíma Þegar annað brúðhjónanna hafði klárað heitin og hitt hafist handa varð Karen litið upp og sá þá glampa í einum glugga kirkjunnar. „Ég hugsaði að þetta væri skrýtið vegna þess að það var engin sól úti. Af einhverri tilviljun ákvað ég að hlaupa að glugganum og þegar ég kem þangað sé ég að jakki mannsins er alelda. Hann hélt á myndbandsupptökuvél og hafði greinilega logað í svolítinn tíma. Eldurinn var kominn upp bakið á honum og að hálsmálinu,“ segir Karen. Beitti prestsmöppunni Hún sá strax að ekki væri hægt að fá vatn í kirkjuna í tæka tíð og leitaði því annarra leiða til að slökkva eldinn. Sérstaklega þar sem faðir brúðarinnar byrjaði þá strax að fara úr jakkanum, sem Karen leist ekki á – svona innan í timburkirkju. „Sem betur fer hafði ég fengið veglega leðurmöppu þegar ég vígðist til prests fyrir blöðin mín við athafnir. Þannig að ég tók möppuna og lamdi manninn eins og ég gat, slökkti þannig eldinn og það er alveg stæk brunalykt. Mappan mín er líklega ónýt, leðrið er alveg brunnið,“ segir Karen.Þingvallakirkja var reist árið 1859 og er öll úr timbri. Það var því mikil mildi að ekki fór verr þegar eldurinn kviknaði við athöfnina í gær.Vísir/Vilhelm„Ég talaði svo strax við þjóðgarðsvörðinn og lét þau vita að þau hefðu í leyfisleysi kveikt á kertunum og þetta hefði gerst. Þannig að við munum þurfa að herða á reglunum varðandi þetta.“Flíspeysan bjargaði málunum Af einskærri tilviljun var maðurinn klæddur í flíspeysu innanundir jakkanum, sem virðist hafa varið hann eldinum. „Pabba brúðarinnar var svo kalt að hann var í flíspeysunni. Flíspeysan bráðnaði við jakkann og skyrtuna en hann slapp alveg. Ef hann hefði ekki verið með flíspeysuna sína á milli þá hefði hann líklega brunnið þannig að við hefðum þurft að kalla út þyrlu. Jakkinn fuðraði bara upp.“ Karen segir að hún hafi ákveðið að taka létta nálgun á aðstæðurnar eftir að öruggt var að maðurinn væri heill á húfi. „Ég blés á öll kerti og sá til þess að engin glóð væri eftir. Og sagði svo að þetta væri í fyrsta sinn sem heitin hafa verið svo heit að það hafi „actually“ kviknað í einhverjum. Svo héldum við bara áfram og þau giftu sig.“ Þakkaði fyrir lífbjörgina Brúðhjónin, fjölskylda þeirra og aðrir gestir hafi þó bersýnilega komist í töluvert uppnám. „Ég tók stjórnina í aðstæðunum, róaði alla niður og kláraði athöfnina því þau eru auðvitað búin að leggja mikla vinnu í þennan dag, en svo var áfallið að hellast yfir þau þegar athöfninni var lokið og þegar þau sáu skemmdirnar á jakkanum. Pabbi brúðarinnar kom svo nokkrum sinnum til mín og faðmaði mig og þakkaði mér fyrir að hafa bjargað lífi sínu.“Er þetta það svakalegasta sem þú hefur lent í við prestsstörfin?„Maður hefur auðvitað lent í alls konar. Fólk hefur verið fast í rútu einhvers staðar, eitthvað gleymist eða móðir brúðarinnar dettur í klettum en þetta er í fyrsta skipti sem kviknar í einhverjum,“ segir Karen. „Sem betur fer er þetta saga sem við getum lært af og er svolítið fyndin. En þetta hefði getað verið allt önnur saga ef hann hefði slasast.“
Trúmál Þingvellir Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Falsað myndband af kennara og nemanda fór í dreifingu Innlent Pallborðið: Stungið höfðinu í sandinn í tuttugu ár Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Innlent Fleiri fréttir Kvíðið starfsfólk, handtökur og fornminjafundur Starfsmenn Kubbs og Terra grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Sjá meira
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Innlent
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Innlent