Bestu upphitunaræfingar knattspyrnusögunnar? | Myndband

Crystal Palace setti stórkostlegt myndband á Twitter-síðu sína í gær sem slegið hefur í gegn. Ekki að ástæðulausu.

Myndbandið er af fyrrum markverði liðsins, John Burridge, sem hitaði upp á afar sérstakan hátt eins og sjá má hér að neðan.

John Burridge's warm ups were incredible.#CPFCpic.twitter.com/7OEumoRnE0

— Crystal Palace F.C. (@CPFC) September 19, 2019

Burridge er orðinn 67 ára gamall og starfar sem markmannsþjálfari hjá indverska liðinu Kerala Blasters sem David James og Hermann Hreiðarsson þjálfuðu.

Hann var atvinnumaður í tæp 30 ár og spilaði fyrir hvorki fleiri né færri en 30 lið á þessum 30 árum. Hann náði að spila 768 leiki. Alvöru goðsögn.