Íslenski boltinn

Aron Bjarki og Pálmi Rafn framlengdu samninga sína á Grund

Anton Ingi Leifsson skrifar
Aron Bjarki Jósepsson og Pálmi Rafn Pálmason skrifa undir samningana.
Aron Bjarki Jósepsson og Pálmi Rafn Pálmason skrifa undir samningana. mynd/kr/instagram
Aron Bjarki Jósepsson og Pálmi Rafn Pálmason framlengdu í dag samninga sína við KR en KR tilkynnti þetta í dag.

Aron Bjarki framlengdi samning sinn um eitt ár en Pálmi samdi til næstu tveggja ára en Pálmi Rafn var einn besti leikmaður Íslandsmótsins í sumar.

Samningarnir voru undirritaðir á Elliheimilinu Grund en mikil umræða var meðal spekinga fyrr í sumar að KR-liðið væri orðið of gamalt.

Þeir hins vegar unnu deildina og gerðu Óskar Örn Hauksson og Pálmi meðal annars grín að þessu á dögunum eftir bikarafhendinguna.

Aron Bjarki hefur verið í herbúðum KR síðan 2011 en Pálmi snéri aftur heim árið 2015 og gekk í raðir KR.

Pepsi Max-deild karla

Mest lesið


Fleiri fréttir

Sjá meira


×

Mest lesið