Sjáðu hvernig Gary afgreiddi Val og stórkostlegt mark Kristins sem færði KR nær 27. Íslandsmeistaratitlinum

Fallnir Eyjamenn unnu Val í Eyjum, KR færðist nær Íslandsmeistaratitli númer 27 með sigri á ÍA og Víkingur lyfti sér upp töfluna eftir sigur í Kórnum.

Gary Martin skoraði bæði mörk ÍBV sem vann 2-1 sigur á Val í Vestmannaeyjum en Gary lék eins og kunnugt er með Val fyrri hluta sumars áður en hann var látinn fara.

KR vann 2-0 sigri á ÍA í Vesturbænum en síðara markið var afar huggulegt. Kristinn Jónsson hamraði þá boltanum í slá og inn.

Þriðja leik dagsins sem lokið er fór fram í Kórnum þar sem Víkingur vann 3-1 sigur á HK. Landsliðsmaðurinn Kári Árnason skoraði tvö af mörkum Víkinga.

Öll mörk dagsins má sjá hér að neðan.