Síðast þegar Bayern vann ekki opnunarleikinn varð Dortmund meistari

Bayern Munchen gerði 2-2 jafntefli við Herthu Berlín í opnunarleik þýsku úrvalsdeildarinnar í gærkvöldi en leikurinn var bráðskemmtilegur.

Bayern komst yfir með marki Robert Lewandowski en tvö mörk á þriggja mínútna kafla kom Herthu yfir. Pólverjinn Lewandowski jafnaði í síðari hálfleik og lokatölur 2-2.

Þýsku meistararnir eru þekktir fyrir að vinna flesti leiki sem þeir spila í þýsku úrvalsdeildinni og hvað þá á heimavelli.

Þeir höfðu ekki tapað eða gert jafntefli í opnunarleik sínum í deildinni síðan tímabilið 2011/2012 en það ár var einmitt síðasta leiktíðin sem Bæjarar misstu af titlinum.

- FC Bayern (2-2) fail to win their opening match of a Bundesliga season for the first time since 2011/12.

That was also the most recent campaign Bayern did not win the title (Dortmund were champions). #FCBayern#FCBBSC

— Gracenote Live (@GracenoteLive) August 16, 2019

Dortmund vann þá titilinn og það er spurning hvort að það endurtaki sig í ár en Dortmund mætir Alfreð Finnbogasyni og félögum í Augsburg í dag.