Bergþór segir sitt uppgjör fara fram gagnvart kjósendum Þorbjörn Þórðarson skrifar 1. ágúst 2019 19:00 Forsætisnefnd Alþingis staðfesti nú síðdegis þá niðurstöðu siðanefndar þingsins að Bergþór Ólason og Gunnar Bragi Sveinsson hafi brotið siðareglur fyrir alþingismenn með ummælum sínum á barnum Klaustri í nóvember í fyrra. Hvorugur þeirra hyggst segja af sér þingmennsku. Bergþór segir að hann verði dæmdur af kjósendum en ekki pólitískt skipaðri siðanefnd. Ráðgefandi nefnd samkvæmt 16. gr. siðareglna alþingismanna (siðanefnd) skilaði áliti sínu 5. júlí síðastliðinn en álitið var birt á vef Alþingis í dag. Siðanefndin telur að ummæli Bergþórs Ólasonar um Ingu Sæland, Albertínu Friðbjörgu Elíasdóttur, Írisi Róbertsdóttur og Lilju Alfreðsdóttur hafi verið ósæmileg og að í þeim hafi falist vanvirðing er lýtur að kynferði. Þá hafi ummælin kastað rýrð á Alþingi og skaðað ímynd þess. Niðurstaða siðanefndarinnar var sú sama vegna ummæla Gunnars Braga Sveinssonar um Albertínu Friðbjörgu Elíasdóttur, Lilju Alfreðsdóttur og Ragnheiði Runólfsdóttur. Var það því niðurstaða nefndarinnar að þeir Bergþór og Gunnari Bragi hafi brotið siðareglur fyrir alþingismenn með ummælum sínum. Aðrir þingmenn sem tóku þátt í umræðum á Klaustri voru ekki taldir hafa gerst brotlegir við siðareglurnar. Bráðabirgðaforsætisnefnd, skipuð alþingismönnunum Steinunni Þóru Árnadóttur og Haraldi Benediktssyni, fékk það hlutverk að fjalla um álit nefndarinnar. Þau funduðu í dag í alþingishúsinu og síðdegis birtist svo álit þeirra þar sem niðurstaða siðanefndar er staðfest. Hvorki Bergþór né Gunnar Bragi ætla að segja af sér þingmennsku vegna málsins. „Þær skammir sem ég tek mest til mín í þessu máli fékk ég frá móður minni fyrir tæpum átta mánuðum síðan og þá áttaði ég mig á því að mitt uppgjör hvað þetta mál varðar verður gagnvart kjósendum mínum í næstu kosningum en ekki gagnvart pólitískt skipaðri forsætisnefnd. Það breytir því ekki að maður tekur niðurstöðu sem þessa til að halda áfram þessari innri skoðun sinni. Ég tók mér hátt í tveggja mánaða leyfi eftir að málið kom upp og hef reynt að fara varlega í orðfæri,“ segir Bergþór Ólason. Þá segist Bergþór hafa minnkað áfengisneyslu sína mikið eftir að málið kom upp en hann er þó ekki hættur að drekka.Steinunn Þóra Árnadóttir þingmaður Vinstri grænna og Haraldur Benediktsson þingmaður Sjálfstæðisflokksins voru kjörin tímabundið í forsætisnefnd Alþingis til að fjalla um álit siðanefndar.Vísir/ÞÞSiðareglur fyrir alþingismenn gilda um einkasamtöl á krá Í málinu reyndi á gildissvið siðareglna fyrir alþingismenn. Það er afmarkað í 2. gr. þeirra en þar segir: „Reglur þessar gilda um alþingismenn við opinbera framgöngu þeirra og snerta skyldur þeirra sem þjóðkjörinna fulltrúa.“ Siðanefnd taldi að siðareglurnar næðu til samtals þingmannanna á Klaustri. Forsætisnefnd staðfesti þá niðurstöðu. Einkasamtal á krá getur semsagt fallið undir opinbera framgöngu alþingismanns.Hvenær gilda þá siðareglurnar ekki, ef þær gilda um prívatsamtöl á bar? „Ég held að þetta sé einn af þeim lærdómum sem við tökum af þessu máli. Það er niðurstaða siðanefndar að þetta (barinn) hafi verið með opnu aðgengi og þess vegna hafi þetta verið opinber framganga. Ég efast ekki um að menn hafi ekki áttað sig á því þegar siðareglurnar voru settar og ræddar. Það kannski má segja að undirbúningur og aðdragandi siðareglnanna og umræðan hér í þinginu hafi ekki verið fullnægjandi. Og þess vegna hefur verið hafin endurskoðun á siðareglunum,“ segir Haraldur Benediktsson sem situr tímabundið í forsætisnefnd Alþingis fyrir Sjálfstæðisflokkinn. Lilja Alfreðsdóttir, menntamálaráðherra og ein þeirra kvenna sem rætt var um með afar niðrandi hætti á barnum Klaustri, er óánægð með viðbrögð þingmannanna við niðurstöðum siðanefndar og forsætisnefndar. „Í samræðum sínum á Klausturbarnum kom glöggt í ljós hvaða hug þingmennirnir bera til kvenna. Það var sannarlega dapurlegt. Enn dapurlegra er að þeir hinir sömu skuli nú, átta mánuðum síðar ekki enn sjá að sér heldur reyna að réttlæta ummæli sín. Leitt að þeir sjái ekki sóma sinn í að líta í eigin barm. Ummælin verða þeim til ævarandi skammar,“ segir Lilja í færslu á Facebook sem birtist í kvöld. Alþingi Upptökur á Klaustur bar Mest lesið Stimpingar milli mótmælenda á Austurvelli Innlent Hefja söfnun fyrir fjölskyldu Víglundar Innlent „Mæta á næstu Palestínumótmæli og berja þetta lið“ Innlent „Glútenóþol var orðið óhreinn hattur yfir þetta allt saman“ Innlent Hinn látni erlendur ríkisborgari á þrítugsaldri Innlent Engin smithætta vegna veikinda í vélinni Innlent Þekkir ekki eina stelpu sem ekki hefur verið áreitt Innlent Segir Viðskiptablaðið og Samstöðina fara rangt með mál um Ásthildi Lóu Innlent „Ef fram heldur sem horfir verður Aþena lögð niður í næstu viku“ Innlent Tíundi hver með ágætiseinkunn í MR Innlent Fleiri fréttir Liggur þungt haldinn á sjúkrahúsi eftir líkamsárás Nikótínþurfi guðsbarn braust inn í Bjarnabúð „Ef fram heldur sem horfir verður Aþena lögð niður í næstu viku“ Stimpingar milli mótmælenda á Austurvelli Sigríður svarar gagnrýni á störf lögreglunnar á Suðurnesjum Tíundi hver með ágætiseinkunn í MR Engin smithætta vegna veikinda í vélinni Segir Viðskiptablaðið og Samstöðina fara rangt með mál um Ásthildi Lóu Kökuskreytingar og þjóðdansar á „Fjör í Flóa“ í dag Tvenn mótmæli í Reykjavík og herþota á flugsýningu „Mæta á næstu Palestínumótmæli og berja þetta lið“ Missa fatamarkaðinn með flutningi Konukots í Ármúla „Glútenóþol var orðið óhreinn hattur yfir þetta allt saman“ Ók hlaupahjólinu á tré með pizzu í annarri Hefja söfnun fyrir fjölskyldu Víglundar Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Rannsókn lokið í manndrápsmáli Lögðu hald á nokkuð magn fíkniefna og hnífa Sláandi tölur: Kyrkingartökum og eltihrellum fer fjölgandi Mætti með steikarhníf á leikskóla Kyrkingartök og elltihrellahegðun fara vaxandi og myndband af áreitni í miðborginni Grill í ljósum logum úti á svölum Vilja endurbyggja verkstæðið en nágrannar mótmæla harðlega Sjá meira
Forsætisnefnd Alþingis staðfesti nú síðdegis þá niðurstöðu siðanefndar þingsins að Bergþór Ólason og Gunnar Bragi Sveinsson hafi brotið siðareglur fyrir alþingismenn með ummælum sínum á barnum Klaustri í nóvember í fyrra. Hvorugur þeirra hyggst segja af sér þingmennsku. Bergþór segir að hann verði dæmdur af kjósendum en ekki pólitískt skipaðri siðanefnd. Ráðgefandi nefnd samkvæmt 16. gr. siðareglna alþingismanna (siðanefnd) skilaði áliti sínu 5. júlí síðastliðinn en álitið var birt á vef Alþingis í dag. Siðanefndin telur að ummæli Bergþórs Ólasonar um Ingu Sæland, Albertínu Friðbjörgu Elíasdóttur, Írisi Róbertsdóttur og Lilju Alfreðsdóttur hafi verið ósæmileg og að í þeim hafi falist vanvirðing er lýtur að kynferði. Þá hafi ummælin kastað rýrð á Alþingi og skaðað ímynd þess. Niðurstaða siðanefndarinnar var sú sama vegna ummæla Gunnars Braga Sveinssonar um Albertínu Friðbjörgu Elíasdóttur, Lilju Alfreðsdóttur og Ragnheiði Runólfsdóttur. Var það því niðurstaða nefndarinnar að þeir Bergþór og Gunnari Bragi hafi brotið siðareglur fyrir alþingismenn með ummælum sínum. Aðrir þingmenn sem tóku þátt í umræðum á Klaustri voru ekki taldir hafa gerst brotlegir við siðareglurnar. Bráðabirgðaforsætisnefnd, skipuð alþingismönnunum Steinunni Þóru Árnadóttur og Haraldi Benediktssyni, fékk það hlutverk að fjalla um álit nefndarinnar. Þau funduðu í dag í alþingishúsinu og síðdegis birtist svo álit þeirra þar sem niðurstaða siðanefndar er staðfest. Hvorki Bergþór né Gunnar Bragi ætla að segja af sér þingmennsku vegna málsins. „Þær skammir sem ég tek mest til mín í þessu máli fékk ég frá móður minni fyrir tæpum átta mánuðum síðan og þá áttaði ég mig á því að mitt uppgjör hvað þetta mál varðar verður gagnvart kjósendum mínum í næstu kosningum en ekki gagnvart pólitískt skipaðri forsætisnefnd. Það breytir því ekki að maður tekur niðurstöðu sem þessa til að halda áfram þessari innri skoðun sinni. Ég tók mér hátt í tveggja mánaða leyfi eftir að málið kom upp og hef reynt að fara varlega í orðfæri,“ segir Bergþór Ólason. Þá segist Bergþór hafa minnkað áfengisneyslu sína mikið eftir að málið kom upp en hann er þó ekki hættur að drekka.Steinunn Þóra Árnadóttir þingmaður Vinstri grænna og Haraldur Benediktsson þingmaður Sjálfstæðisflokksins voru kjörin tímabundið í forsætisnefnd Alþingis til að fjalla um álit siðanefndar.Vísir/ÞÞSiðareglur fyrir alþingismenn gilda um einkasamtöl á krá Í málinu reyndi á gildissvið siðareglna fyrir alþingismenn. Það er afmarkað í 2. gr. þeirra en þar segir: „Reglur þessar gilda um alþingismenn við opinbera framgöngu þeirra og snerta skyldur þeirra sem þjóðkjörinna fulltrúa.“ Siðanefnd taldi að siðareglurnar næðu til samtals þingmannanna á Klaustri. Forsætisnefnd staðfesti þá niðurstöðu. Einkasamtal á krá getur semsagt fallið undir opinbera framgöngu alþingismanns.Hvenær gilda þá siðareglurnar ekki, ef þær gilda um prívatsamtöl á bar? „Ég held að þetta sé einn af þeim lærdómum sem við tökum af þessu máli. Það er niðurstaða siðanefndar að þetta (barinn) hafi verið með opnu aðgengi og þess vegna hafi þetta verið opinber framganga. Ég efast ekki um að menn hafi ekki áttað sig á því þegar siðareglurnar voru settar og ræddar. Það kannski má segja að undirbúningur og aðdragandi siðareglnanna og umræðan hér í þinginu hafi ekki verið fullnægjandi. Og þess vegna hefur verið hafin endurskoðun á siðareglunum,“ segir Haraldur Benediktsson sem situr tímabundið í forsætisnefnd Alþingis fyrir Sjálfstæðisflokkinn. Lilja Alfreðsdóttir, menntamálaráðherra og ein þeirra kvenna sem rætt var um með afar niðrandi hætti á barnum Klaustri, er óánægð með viðbrögð þingmannanna við niðurstöðum siðanefndar og forsætisnefndar. „Í samræðum sínum á Klausturbarnum kom glöggt í ljós hvaða hug þingmennirnir bera til kvenna. Það var sannarlega dapurlegt. Enn dapurlegra er að þeir hinir sömu skuli nú, átta mánuðum síðar ekki enn sjá að sér heldur reyna að réttlæta ummæli sín. Leitt að þeir sjái ekki sóma sinn í að líta í eigin barm. Ummælin verða þeim til ævarandi skammar,“ segir Lilja í færslu á Facebook sem birtist í kvöld.
Alþingi Upptökur á Klaustur bar Mest lesið Stimpingar milli mótmælenda á Austurvelli Innlent Hefja söfnun fyrir fjölskyldu Víglundar Innlent „Mæta á næstu Palestínumótmæli og berja þetta lið“ Innlent „Glútenóþol var orðið óhreinn hattur yfir þetta allt saman“ Innlent Hinn látni erlendur ríkisborgari á þrítugsaldri Innlent Engin smithætta vegna veikinda í vélinni Innlent Þekkir ekki eina stelpu sem ekki hefur verið áreitt Innlent Segir Viðskiptablaðið og Samstöðina fara rangt með mál um Ásthildi Lóu Innlent „Ef fram heldur sem horfir verður Aþena lögð niður í næstu viku“ Innlent Tíundi hver með ágætiseinkunn í MR Innlent Fleiri fréttir Liggur þungt haldinn á sjúkrahúsi eftir líkamsárás Nikótínþurfi guðsbarn braust inn í Bjarnabúð „Ef fram heldur sem horfir verður Aþena lögð niður í næstu viku“ Stimpingar milli mótmælenda á Austurvelli Sigríður svarar gagnrýni á störf lögreglunnar á Suðurnesjum Tíundi hver með ágætiseinkunn í MR Engin smithætta vegna veikinda í vélinni Segir Viðskiptablaðið og Samstöðina fara rangt með mál um Ásthildi Lóu Kökuskreytingar og þjóðdansar á „Fjör í Flóa“ í dag Tvenn mótmæli í Reykjavík og herþota á flugsýningu „Mæta á næstu Palestínumótmæli og berja þetta lið“ Missa fatamarkaðinn með flutningi Konukots í Ármúla „Glútenóþol var orðið óhreinn hattur yfir þetta allt saman“ Ók hlaupahjólinu á tré með pizzu í annarri Hefja söfnun fyrir fjölskyldu Víglundar Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Rannsókn lokið í manndrápsmáli Lögðu hald á nokkuð magn fíkniefna og hnífa Sláandi tölur: Kyrkingartökum og eltihrellum fer fjölgandi Mætti með steikarhníf á leikskóla Kyrkingartök og elltihrellahegðun fara vaxandi og myndband af áreitni í miðborginni Grill í ljósum logum úti á svölum Vilja endurbyggja verkstæðið en nágrannar mótmæla harðlega Sjá meira