Líf og fjör á Innipúkanum

Innipúkinn fer fram á Grandanum þessa verslunarmannahelgina eftir sex ár í Kvosinni. Fjölbreytt dagskrá er í boði yfir dagana þrjá.

Tónlistarveislan hófst í gær með þeim Friðriki Dór, Svölu, Jónasi Sig, Kælunni miklu, Valdimar, Joey Christ og Between Mountains. Í kvöld munu svo Blóðmör, Dj flugvél & geimskip, Hildur, Matthildur, Moses Hightower og Vök stíga á stokk.

Þeir sem kusu að halda sig innan borgarmarkanna þessa verslunarmannahelgina verða því ekki sviknir á Innipúkanum. Síðasta kvöldið er svo á morgun þar sem dagskráin er ekki síðri en þá munu Auður, Bjartmar Guðlaugsson, Daði Freyr, Sprite Zero Klan, Sturla Atlas og Una Schram skemmta hátíðargestum.

Hér að neðan má sjá myndir sem ljósmyndarinn Majid tók á hátíðinni í gær.