Rúrik og félagar úr leik í bikarnum eftir tap gegn Mönchengladbach en Dortmund marði C-deildarlið

Rúrik Gíslason lék allan leikinn fyrir SV Sandhausen sem tapaði 1-0 fyrir Borussia Mönchengladbach í þýska bikarnum í knattspyrnu í kvöld.

Sandhausen leikur í B-deildinni en Mönchengladbach í þeirra efstu. Fyrsta og eina mark leiksins skoraði Marcus Thuram, sonur Lilian Thuram, á 19. mínútu leiksins.

Dortmund rétt marði C-deildarliðið Krefelder FC Uerdingen 05 en þeir gulklæddu skoruðu einungis tvö mörk í leiknum.

Bæði mörkin komu í síðari hálfleik. Marco Reus skoraði á 49. mínútu og Paco Alcacer tvöfaldaði forystuna á 70. mínútu. Lokatölur 2-0.