Sjáðu mörkin sem komu KR í úrslitin

KR spilar til bikarúrslita í fótbolta eftir 2-0 sigur á Þór/KA í undanúrslitum Mjólkurbikars kvenna í dag.

Ásdís Karen Halldórsdóttir kom heimakonum í KR yfir eftir tæplega klukkutíma leik í Vesturbæ Reykjavíkur.

Hin nýsjálenska Betsy Hassett, sem er ný komin til baka eftir HM í fótbolta, bætti svo öðru markinu við undir lokin og tryggði KR sigurinn.

KR mætir Selfossi í bikarúrslitunum um miðjan ágúst á Laugardalsvelli.

Mörkin sem komu KR-ingum þangað má sjá hér efst í fréttinni.