Alvöru verkfæri á alvöru tilboði í Milwaukee bílnum

Milwaukee verkfærabíllinn verður fyrir utan Verkfærasöluna að Síðumúla 9 á morgun, fimmtudag. Bíllinn er stútfullur af verkfærum sem hægt verður að skoða og prófa. Kveikt verður upp í grillinu og boðið upp á kaffi og bakkelsi um morguninn, hamborgara í hádeginu og köku yfir allan daginn. Tilboð og kaupaukar, happdrætti og skemmtilegar uppákomur allan daginn.

„Við tjöldum öllu til og þarna verða alvöru verkfæri á alvöru tilboði,“ segir Marteinn Guðberg Þorláksson, innkaupa- og markaðsstjóri hjá Verkfærasölunni. „Við fáum sérfræðinga frá Milwaukee að utan sem veita ráðgjöf á staðnum. Allir sem kaupa Milwaukee verkfæri fara í lukkupott, sem síðan verður dregið úr í lok dags. Í vinning er keramik kolagrill og tjald. Seinni part dags ætlum við að saga sundur bíl hérna á planinu og reynt verður á styrkinn á PackOut töskunum frá Milwaukee með því að láta breyttann Dodge Ram á 40“ dekkjum standa á þeim yfir daginn,“ segir Marteinn.

Ferðalag Milwaukee bílsins um landið hófst 28. maí. Eftir stoppið í Síðumúla á morgun liggur leiðin austur á Höfn í Hornafirði þann 18. júní og 19. júní verður bíllinn á Fáskrúðsfirði.

Gæði og góð ending

Verkfærasalan fer með umboðið á Milwaukee sem Marteinn segir framleiða hágæða rafmagnsverkfæri með mikla endingu.

„Milwaukee eru eingöngu með iðnaðarverkfæri sem gerð eru til að endast. M18 línan er mjög stór og fjölbreytt með yfir 145 verkfæri sem ganga á sömu rafhlöðuna. Þetta eru öflug verkfæri, borvél, slípirokkur, borðsög og geirungssög svo eitthvað sé nefnt en einnig garðverkfæri svo sem sláttuorf, keðjusög og fleira, þar sem sama rafhlaðan gengur á allt saman. Garðverkfærin eru jafn öflug og bensínvélar en miklu þægilegri þar sem ekki þarf að blanda bensín. Hægt er að slá með Milwaukee-orfinu í yfir klukkustund á hleðslunni í erfiðum aðstæðum,“ segir Marteinn.

„M12 línan samanstendur af léttari og meðfærilegri verkfærum, en þau hafa notið mikilla vinsælda hjá rafvirkjum og pípurum sem þurfa nettar og léttar vélar. Í línunni eru yfir 75 tæki sem ganga á sömu rafhlöðuna og bætist ört við. Þá erum við líka með mikið úrval af verkfærum til bílaviðgerða, herslulykla, skröll og dekkjapumpu sem fyllir fjögur fólksbíladekk á hleðslunni. Einnig fjölnotavélar, hnoðbyssur og heftibyssur og margt fleira. Sjón er sögu ríkari,“ útskýrir Marteinn.

Dagskráin hefst klukkan 9 á morgun og stendur til klukkan 17. Nánar má kynna sér úrval Verkfærasölunnar á vfs.is. Verkfærasalan er einnig á facebook og Instagram.

Hér fyrir neðan má sjá myndir frá síðasta ári.

Þessi kynning er unnin í samstarfi við Verkfærasöluna.