Gary Martin segist ekki ætla að fara frá Val

Gary Martin ætlar ekki að fara frá Val þrátt fyrir að Ólafur Jóhannesson hafi sagt enska framherjanum að hann hentaði ekki leikstíl Vals.

Í morgun komu fréttir af því að Ólafur hafi sagt Gary að framherjinn mætti finna sér nýtt félag því hann henti ekki leikstíl Íslandsmeistaranna.

Eftir þrjár umferðir er Gary búinn að skora tvö mörk fyrir Val, annað þeirra úr víti.

Hörður Magnússon sagði í kvöldfréttum Stöðvar 2 fyrr í kvöld að hann hafi rætt við Gary og Englendingurinn ætli að vera áfram hjá Val. Haukur Harðarson bar sömu söguna í kvöldfréttum RÚV.

Félagsskiptaglugginn á Íslandi lokar á morgun, miðvikudag. Næsti leikur Vals er í deildinni á fimmtudaginn gegn Fylki á Würth vellinum í Árbænum.