Fimm látnir í jarðskjálfta á Filippseyjum

Að minnsta kosti fimm eru látnir eftir að jarðskjálfti af stærðinni 6.1 reið yfir eyjuna Luzon á Filippseyjum í morgun.

Clark-alþjóðaflugvöllurinn, sem staðesttur er á eyjunni, hlaut skaða við skjálftann auk þess sem tvær byggingar hrundu til grunna. Yfirvöld á svæðinu telja að enn sé fólk fast í annarri byggingunni, sem staðsett er í bænum Porac.

Búið er að bjarga 20 manns úr húsarústum og færa til aðhlynningar á spítala, samkvæmt BBC.

Finna mátti fyrir áhrifum skjálftans í höfuðborg Filippseyja, Manila, og sjá mátti skýjaklúfa vagga til og frá. Borgin er tæpa 80 kílómetra frá upptökum skjálftans.

The earthquake was soooo strong that even the pool from the top deck leaked #earthquake#lindol Video: Micheal Rivo #EarthquakePH#EarthquakeManilapic.twitter.com/qkcxZrx5fR

— Magik (@officialdjmagik) April 22, 2019