Einn bætist í hóp umsækjenda um stöðu seðlabankastjóra

Sextán hafa sótt um stöðu seðlabankastjóra en töluvpóstsvarnir Stjórnarráðsins komu í veg fyrir að ein umsókn bærist forsætisráðuneytinu. Umsóknin barst fyrir lok tímafrests.

Sextándi umsækjandinn er Katrín Ólafsdóttir, lektor við Viðskiptadeild Háskólans í Reykjavík.

Már Guðmundsson, núverandi seðlabankastjóri, sótti ekki um starfið en hann hefur verið seðlabankastjóri í tæp tíu ár. Starfið er ávallt auglýst á fimm ára fresti og verður sérstök hæfnisnefnd skipuð til þess að fara yfir umsóknirnar og meta hæfni umsækjenda.

Umsækjendur um embætti seðlabankastjóra eru eftirfarandi:

Arnór Sighvatsson, ráðgjafi seðlabankastjóra

Ásgeir Jónsson, dósent og forseti hagfræðideildar Háskóla Íslands

Ásgeir Brynjar Torfason, lektor við Háskóla Íslands

Benedikt Jóhannesson, fyrrverandi fjármála- og efnahagsráðherra

Gunnar Haraldsson, hagfræðingur

Gylfi Arnbjörnsson, hagfræðingur

Gylfi Magnússon, dósent

Hannes Jóhannsson, hagfræðingur

Jón Daníelsson, prófessor

Jón G. Jónsson, forstjóri bankasýslu ríkisins

Katrín Ólafsdóttir, lektor

Salvör Sigríður Jónsdóttir, nemi

Sigurður Hannesson, framkvæmdastjóri

Sturla Pálsson, framkvæmdastjóri markaðsviðskipta og fjárstýringar í Seðlabanka Íslands

Vilhjálmur Bjarnason, lektor

Þorsteinn Þorgeirsson, sérstakur ráðgjafi á skrifstofu seðlabankastjóra