WOW air heyrir sögunni til Stefán Ó. Jónsson og Sunna Kristín Hilmarsdóttir skrifa 28. mars 2019 08:25 Skúli Mogensen, stofnandi WOW air. Vísir/vilhelm WOW air hefur hætt starfsemi að fullu. Öllu flugi félagsins hefur verið aflýst. Þetta kemur fram á vef WOW air. Neðst í fréttinni má lesa um nýjustu vendingar í málinu.Öllu flugi félagsins var aflýst í nótt en seinasta flugferð WOW air var frá Keflavík til Detroit í gær samkvæmt Flight radar. Tilkynning barst frá Svanhvíti Friðriksdóttur, upplýsingafulltrúa flugfélagsins, klukkan þrjú í nótt þar sem sagði að félagið væri á lokametrunum við að klára hlutafjáraukningu við nýjan eigendahóp í félaginu. Allt flug hefði því verið stöðvað þangað til þeir samningar verði kláraðir. Sagði í tilkynningunni að nánari upplýsingar verða gefnar klukkan 9. „Félagið þakkar farþegum stuðninginn og biðst velvirðingar á þeim óþægindum sem þetta veldur,“ sagði í tilkynningunni í morgun. Sjá einnig: Þurfti að ráða „hálfa þjóðina“ í vinnu til að fólk hefði trú á WOW air Á þriðjudag tilkynnti WOW air að skuldabréfaeigendur félagsins hefðu samþykkt að breyta kröfum sínum í hlutafé. Kröfuhafar höfðu því í raun tekið félagið yfir og Skúli Mogensen, stofnandi WOW air, var því ekki lengur eini eigandi þess. Hann var hins vegar hluthafi eins og aðrir skuldabréfaeigendur og var áfram forstjóri fyrirtækisins. Á sama tíma og tilkynnt var um að skuldabréfaeigendur hefðu samþykkt að breyta kröfum sínum í hlutafé var tilkynnt að flugfélagið leitaði að mögulegum fjárfestum til að koma inn með fimm milljarða króna svo hægt væri að tryggja áframahaldandi rekstur flugfélagsins. Nú er ljóst að það tókst ekki.Farþegar kunna að eiga kröfu á hendur Wow Air Samgöngustofa hefur sent frá sér tilkynningu þar sem fram kemur að allt flug Wow Air falli niður, félagið sé nú hætt starfsemi. Er farþegum er bent á að kanna möguleika á flugi hjá öðrum flugfélögum. „Samkvæmt viðbragðsáætlun munu flugmálayfirvöld kanna vilja annarra flugfélaga til að aðstoða farþega með svokölluðum björgunarfargjöldum í samræmi við yfirlýsingu Alþjóðasamtaka flugfélaga, IATA. Upplýsingum um það verður komið á framfæri við farþega jafnóðum og þær liggja fyrir. Jafnframt verður samkvæmt viðbragðsáætlun lagt mat á getu annarra flugfélaga til að mæta aukinni eftirspurn.“ Í tilkynningunni er áréttað að farþegar sem keyptu flugmiða með kreditkorti ættu að hafa samband við útgefanda kortsins til að kanna möguleika á að fá flugmiðann endurgreiddan. „Farþegar sem keyptu ferðina af evrópskum ferðaskipuleggjanda sem seldi flugmiðann sem hluta af svokallaðri alferð (þ.e. samsettri ferð þar sem flug er selt ásamt gistingu eða öðrum þjónustuþáttum) eiga rétt á heimflutningi á grundvelli samevrópskra reglna um alferðir. Farþegum er bent á að hafa samband við þann ferðaskipuleggjanda sem þeir keyptu ferð sína af,“ segir í tilkynningunni sem Þórhildur Elínardóttir samskiptastjóri skrifar undir. Þá segir að endingu að farþegar kunni að eiga kröfu á hendur Wow Air, þá á grundvelli reglugerðar um réttindi flugfarþega. Þegar um gjaldþrot er að ræða þarf að lýsa slíkum kröfum í þrotabú flugrekandans.Skjáskot af vef WOW air þar sem tilkynnt var um að félagið hefði hætt starfsemi.Vinnumálastofnun ekki enn borist tilkynning Unnur Sverrisdóttir, forstjóri Vinnumálastofnunnar, segir að stofnuninni hafi ekki enn borist tilkynning frá flugfélaginu vegna stöðunnar sem upp sé komin. Viðbragðsteymi Vinnumálastofnunar komi saman til fundar núna klukkan 9 til að kortleggja hvaða áhrif stöðvun á starfsemi WOW hefur á stofnunina. WOW air var stofnað árið 2011 og fór í jómfrúarflug sitt í maí 2012. Í október sama ár tók félagið yfir rekstur Iceland Express og ári síðar fékk WOW air flugrekstrarleyfi frá Samgöngustofu. Félagið óx hratt en fyrsta árið voru farþegarnir 111.400 talsins. Annað árið voru þeir orðnir 421.000 og árið 2014 voru þeir 495.000. Árið 2015 voru þeir 730.000 og árið 2016 voru farþegarnir orðnir 1,6 milljónir. Árið 2017 voru farþegarnir orðnir þrjár milljónir og í fyrra 3,5 milljónir.
WOW air hefur hætt starfsemi að fullu. Öllu flugi félagsins hefur verið aflýst. Þetta kemur fram á vef WOW air. Neðst í fréttinni má lesa um nýjustu vendingar í málinu.Öllu flugi félagsins var aflýst í nótt en seinasta flugferð WOW air var frá Keflavík til Detroit í gær samkvæmt Flight radar. Tilkynning barst frá Svanhvíti Friðriksdóttur, upplýsingafulltrúa flugfélagsins, klukkan þrjú í nótt þar sem sagði að félagið væri á lokametrunum við að klára hlutafjáraukningu við nýjan eigendahóp í félaginu. Allt flug hefði því verið stöðvað þangað til þeir samningar verði kláraðir. Sagði í tilkynningunni að nánari upplýsingar verða gefnar klukkan 9. „Félagið þakkar farþegum stuðninginn og biðst velvirðingar á þeim óþægindum sem þetta veldur,“ sagði í tilkynningunni í morgun. Sjá einnig: Þurfti að ráða „hálfa þjóðina“ í vinnu til að fólk hefði trú á WOW air Á þriðjudag tilkynnti WOW air að skuldabréfaeigendur félagsins hefðu samþykkt að breyta kröfum sínum í hlutafé. Kröfuhafar höfðu því í raun tekið félagið yfir og Skúli Mogensen, stofnandi WOW air, var því ekki lengur eini eigandi þess. Hann var hins vegar hluthafi eins og aðrir skuldabréfaeigendur og var áfram forstjóri fyrirtækisins. Á sama tíma og tilkynnt var um að skuldabréfaeigendur hefðu samþykkt að breyta kröfum sínum í hlutafé var tilkynnt að flugfélagið leitaði að mögulegum fjárfestum til að koma inn með fimm milljarða króna svo hægt væri að tryggja áframahaldandi rekstur flugfélagsins. Nú er ljóst að það tókst ekki.Farþegar kunna að eiga kröfu á hendur Wow Air Samgöngustofa hefur sent frá sér tilkynningu þar sem fram kemur að allt flug Wow Air falli niður, félagið sé nú hætt starfsemi. Er farþegum er bent á að kanna möguleika á flugi hjá öðrum flugfélögum. „Samkvæmt viðbragðsáætlun munu flugmálayfirvöld kanna vilja annarra flugfélaga til að aðstoða farþega með svokölluðum björgunarfargjöldum í samræmi við yfirlýsingu Alþjóðasamtaka flugfélaga, IATA. Upplýsingum um það verður komið á framfæri við farþega jafnóðum og þær liggja fyrir. Jafnframt verður samkvæmt viðbragðsáætlun lagt mat á getu annarra flugfélaga til að mæta aukinni eftirspurn.“ Í tilkynningunni er áréttað að farþegar sem keyptu flugmiða með kreditkorti ættu að hafa samband við útgefanda kortsins til að kanna möguleika á að fá flugmiðann endurgreiddan. „Farþegar sem keyptu ferðina af evrópskum ferðaskipuleggjanda sem seldi flugmiðann sem hluta af svokallaðri alferð (þ.e. samsettri ferð þar sem flug er selt ásamt gistingu eða öðrum þjónustuþáttum) eiga rétt á heimflutningi á grundvelli samevrópskra reglna um alferðir. Farþegum er bent á að hafa samband við þann ferðaskipuleggjanda sem þeir keyptu ferð sína af,“ segir í tilkynningunni sem Þórhildur Elínardóttir samskiptastjóri skrifar undir. Þá segir að endingu að farþegar kunni að eiga kröfu á hendur Wow Air, þá á grundvelli reglugerðar um réttindi flugfarþega. Þegar um gjaldþrot er að ræða þarf að lýsa slíkum kröfum í þrotabú flugrekandans.Skjáskot af vef WOW air þar sem tilkynnt var um að félagið hefði hætt starfsemi.Vinnumálastofnun ekki enn borist tilkynning Unnur Sverrisdóttir, forstjóri Vinnumálastofnunnar, segir að stofnuninni hafi ekki enn borist tilkynning frá flugfélaginu vegna stöðunnar sem upp sé komin. Viðbragðsteymi Vinnumálastofnunar komi saman til fundar núna klukkan 9 til að kortleggja hvaða áhrif stöðvun á starfsemi WOW hefur á stofnunina. WOW air var stofnað árið 2011 og fór í jómfrúarflug sitt í maí 2012. Í október sama ár tók félagið yfir rekstur Iceland Express og ári síðar fékk WOW air flugrekstrarleyfi frá Samgöngustofu. Félagið óx hratt en fyrsta árið voru farþegarnir 111.400 talsins. Annað árið voru þeir orðnir 421.000 og árið 2014 voru þeir 495.000. Árið 2015 voru þeir 730.000 og árið 2016 voru farþegarnir orðnir 1,6 milljónir. Árið 2017 voru farþegarnir orðnir þrjár milljónir og í fyrra 3,5 milljónir.
Fréttir af flugi WOW Air Tengdar fréttir Farþegar WOW ráðvilltir og argir Greina má mikla ónáægju meðal farþega WOW air sem bókað áttu flug með flugfélaginu í dag 28. mars 2019 07:14 WOW air stöðvar allt flug Allt flug WOW air til og frá landinu í dag hefur verið stöðvað. 28. mars 2019 06:09 WOW á vörum Íslendinga WOW air hefur hætt starfsemi að fullu. Öllu flugi félagsins hefur verið aflýst. Þetta kemur fram á vef WOW air. 28. mars 2019 09:15 Mest lesið Hætti korteri eftir peppfund með Möltufólkinu Viðskipti innlent Stefna á að hefja starfsemi á Möltu innan tíu vikna Viðskipti innlent Viðkvæm staða í björgunaraðgerðum Play Europe Viðskipti innlent „Við munum gæta réttar kröfuhafa í hvívetna“ Viðskipti innlent Isavia gefur strandaglópum engin grið Viðskipti innlent Búið að greiða laun og barnabætur Viðskipti innlent Kaupfélagið á bak við risaviðskipti í Iceland Seafood Viðskipti innlent Horfa fram á tugmilljarða samdrátt og bíða í ofvæni eftir loðnufréttum Viðskipti innlent Gjörbreyttar kröfur og vinna ekki lengur aðeins til að hafa í sig og á Atvinnulíf Múlakaffi nýtir farþegamiðstöðina yfir veturinn Viðskipti innlent Fleiri fréttir Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play „Skrifast ekki á okkur að það hafi farið eins og er farið“ Sjá meira
Farþegar WOW ráðvilltir og argir Greina má mikla ónáægju meðal farþega WOW air sem bókað áttu flug með flugfélaginu í dag 28. mars 2019 07:14
WOW air stöðvar allt flug Allt flug WOW air til og frá landinu í dag hefur verið stöðvað. 28. mars 2019 06:09
WOW á vörum Íslendinga WOW air hefur hætt starfsemi að fullu. Öllu flugi félagsins hefur verið aflýst. Þetta kemur fram á vef WOW air. 28. mars 2019 09:15