Magnús Óli framlengir við Val

Magnús Óli Magnússon hefur skrifað undir eins árs framlengingu á samningi sínum við Val en félagið tilkynnti þetta á vef sínum í kvöld.

Samningur Magnúsar við Val átti að renna út eftir þetta tímabil en Magnús og Valur hafa komist að samkomulagi um að framlengja samninginn um eitt ár.

Magnús Óli er uppalinn í FH en hann lék með Ricoh í Svíþjóð í tvö tímabil áður en hann ákvað að snúa aftur til Íslands og leika með Val í Olís-deildinni.

Hann lék vel í fyrra og hefur spilað enn betur í ár en Valsmenn, með Magnús Óla í farabroddi, eru á toppi Olís-deildarinnar nú yfir jólahátíðirnar.

Magnús Óli framlengir við Val!

Magnús Óli Magnússon hefur framlengt samning sinn við Val um eitt ár og rennur því núverandi samningur Magga Óla út eftir tímabilið 2019/2020. pic.twitter.com/nOsQ73Y9xf

— Valur handbolti (@valurhandbolti) December 27, 2018