Reyndu að grípa bolta sem sleppt var úr 165 metra hæð

Drengirnir sem sjá um YouTube-síðuna How Ridiculous eru mættir aftur á stífluna í Sviss.

Um daginn slepptu þeir keilukúlum af stíflunni, sem er um 165 metra há, og var markmiðið að reyna að hitta trampólín.

Svo virðist sem að þeir hafi nýtt tímann í Sviss ágætlega en á dögunum birtu þeir myndband sem er afar keimlíkt keilukúlumyndbandinu.

Í þetta skipti er þó ekkert trampólín til staðar en núna köstuðu þeir ýmsum tegundum af boltum niður af stíflunni og þeir tveir sem niðri voru áttu að reyna að grípa boltana. Tilraunir þeirra voru misgóðar, líkt og sjá má hér að neðan.