Innlent

Með 13 rétta í annað sinn á tveimur vikum og fær 18,5 milljónir

Tryggvi Páll Tryggvason skrifar
Maðurinn vann 18,5 milljónir.
Maðurinn vann 18,5 milljónir. Fréttablaðið/valli
Óhætt er að segja að stuðningsmaður Hauka sem var með alla þrettán leikina rétta á Enska getraunaseðlinum í gær sé einstaklega getspakur. Þetta er í annað sinn á tveimur vikum sem hann hlýtur vinninginn.

Fyrir miða helgarinnar fær hann 18,5 milljónir í sinn hlut með aukavinningum að því er fram kemur í tilkynningu frá Íslenskri getspá. Sem fyrr giskaði hann einnig á þrettán rétta fyrir tveimur vikum en þá var vinningsupphæðin lægri.

Ljóst var fyrir lokaleik seðilsins að hann viðkomandi væri með tólf rétta og var því mikil spenna á lokamínútum leiks Tottenham gegn Crystal Palace.

Tipparinn sem styður Hauka tippaði á opinn seðil með tíu leiki tvítryggða og þrjá leiki með einu merki.

Fjárhættuspil

Mest lesið


Fleiri fréttir

Sjá meira


×

Mest lesið