Fín byrjun hjá 19 ára strákunum í Tyrklandi

Íslenska 19 ára landsliðið byrjar vel í riðli sínum í undankeppni EM 2019 en hann fer fram í Tyrklandi. Strákarnir mættu heimamönnum í fyrsta leik og unnu 2-1 sigur.

Blikinn Brynjólfur Darri Willumsson skoraði fyrra markið á 39. mínútu eftir stoðsendingu frá Atla Barkarsyni. Atli spilar með Norwich á Englandi.  

Seinna markið skoraði síðan varamaðurinn Andri Lucas Guðjohnsen á 84. mínútu eftir stoðsendingu frá öðrum varamanni, Ágústi Eðvaldi Hlynssyni. Andri Lucas er leikmaður Real Madrid á Spáni en Ágúst Eðvald spilar með Bröndby í Danmörku.

Tyrkir náðu að minnka muninn með marki á þriðju mínútu í uppbótartíma.

Tyrkir reyndu mun fleiri skot í leiknum, 21 á móti 9, en íslensku strákarnir nýttu færin betur og eru í góðum málum í riðlinum.

Þorvaldur Örlygsson er landsliðsþjálfari 19 ára liðs karla.

Byrjunarlið Íslands í leiknum í dag:

Patrik Sigurður Gunnarsson (Markvörður) - Brentford

Hjalti Sigurðsson - KR

Atli Barkarson - Norwich

Aron Ingi Andreasson - Hennef Fc

Ísak Óli Ólafsson - Keflavík

Þórir Jóhann Helgason - FH

Ísak Snær Þorvaldsson - Norwich

Birkir Heimisson (Fyrirliði) - Heerenven

Brynjólfur Darri Willumsson - Breiðablik

Stefán Árni Geirsson - KR

Sævar Atli Magnússon - Leiknir R

Varamenn:

Andri Lucas Guðjohnsen kom inn á 57. mínútu - Real Madrid

Ágúst Eðvald Hlynsson kom inn á 57. mínútu - Bröndby

Dagur Dan Þórhallsson kom inn á 57. mínútu - Keflavík