Spotify tók skarpa dýfu

Virði hlutabréfa í sænsku tónlistarveitunni Spotify minnkaði í gær um tíu prósent eftir að fyrirtækið greindi frá því að það myndi halda áfram að einbeita sér að því að stækka notendahópinn á kostnað hagnaðar. Reuters greindi frá þessu.

Fyrirtækið komst nálægt því að skila hagnaði í fyrsta skipti á síðasta ársfjórðungi. Það var þó ekki af ásettu ráði heldur sagði fyrirtækið að það hefði gerst þar sem því hafi ekki tekist að ráða nægilega marga forritara til sín.