Sjáðu laglegt mark Arnórs gegn Roma

Arnór Sigurðsson varð í kvöld þriðji Íslendingurinn til að skora í Meistaradeild Evrópu er hann skoraði mark CSKA Moskvu í 2-1 tapi gegn Roma.

Arnór var í byrjunarliði CSKA í kvöld líkt og Hörður Björgvin Magnússon en hann jafnaði metin fyrir CSKA í síðari hálfleik eftir að Roma komst yfir á fjórðu mínútu leiksins.

Mark Arnórs var afar laglegt en Skagamaðurinn tók vel við knettinum áður en hann kom boltanum framhjá Robin Olsen í marki Roma.

Markið laglega má sjá hér að neðan.