Íslensku leikmennirnir víðs vegar um Evrópu fengu fáar mínútur er lið þeirra voru í eldlínuni í kvöld.
Rúrik Gíslason spilaði allan leikinn fyrir Sandhausen sem gerði markalaust jafntefli við Duisburg í þýsku B-deildinni. Sandhausen er í fimmtánda sætinu.
Emil Hallfreðsson er á meiðslalistanum hjá Frosinone sem gerði 1-1 jafntefli gegn Fiorentina á heimavelli í ítölsku deildinni. Frosinone er í átjánda sæti deildarinnar.
Hjörtur Hermannsson var ónotaður varamaður er Bröndby vann 2-0 sigur á AGF í dönsku úrvalsdeildinni. Björn Daníel Sverrisson sat á varamannabekknum hjá AGF.
Með sigrinum er Bröndby komið upp í fjórða sæti deildarinnar en liðin í kring eiga þó leik til góða. AGF er í níunda sætinu en getur farið neðar í töfluna er umferðin klárast um helgina.
Kristófer Ingi Kristinsson sat allan tímann á tréverkinu er Willem II vann 3-2 sigur á PEC Zwolle í hollensku úrvalsdeildinni. Willem er um miðja deild í Hollandi.
Íslendingarnir fengu fáar mínútur
Anton Ingi Leifsson skrifar

Mest lesið

Kvartar undan Man. City við Evrópusambandið
Enski boltinn

Gera grín að Jürgen Klopp
Fótbolti


Víkingar skipta um gír
Íslenski boltinn






„Getum gengið stoltar frá borði“
Handbolti