Sonur Shaq hjartveikur

Shareef O'Neal, sonur Shaquille O'Neal, mun ekki spila neinn körfubolta í vetur eftir að upp komst að hann væri hjartveikur. Drengurinn mun þurfa að fara í aðgerð vegna veikindanna.

Shareef spilar með UCLA-háskólanum og þykir mikið efni. Kemur ekki á óvart þar sem hann á ekki langt að sækja hæfileikana.

Honum leið skringilega á æfingum í sumar og lét lækna liðsins vita. Þeir settu á hann hjartamæla og komust þá að því að ekki væri allt með felldu.

„Sem betur fer uppgötvaðist þetta vandamál snemma. Nú þarf ég að taka mér frí í ár en kem sterkari inn að ári,“ sagði O'Neal þakklátur.