Meistaradeildin fer vel af stað á nýju tímabili og leikur Liverpool og PSG var frábær skemmtun en liðin mættust á Anfield í kvöld.
Liverpool komst í tveggja marka forystu með mörkum frá Daniel Sturridge og James Milner en Belginn Thomas Meunier minnkaði muninn fyrir Frakkana með frábæru marki.
Flestir héldu að Kylian Mbappe væri að tryggja PSG eitt stig er hann jafnaði metin sjö mínútum fyrir leikslok en Brasilíumaðurinn og varamaðurinn Roberto Firmino var ekki á sama máli.
Hann fékk boltann við vítateig PSG, fíflaði tvo varnarmenn upp úr skónum og hamraði boltanum í fjærhornið við mikinn fögnuð viðstaddra.
Lokatölur 3-2 sigur Liverpool sem byrjar tímabilið á sex sigrum í jafnmörgum leikjum en mörkin úr rimmu kvöldsins má sjá hér að ofan.
Sjáðu mörkin fimm og dramatíkina á Anfield
Tengdar fréttir
Firmino hetjan í uppbótartíma gegn PSG │Sjáðu öll úrslit kvöldsins
Roberto Firmino tryggði Liverpool dramatískan 3-2 sigur á PSG í fyrstu umferð Meistaradeildarinnar tímabilið 2018/2019. Sigurmarkið kom í uppbótartíma.
„Félagið og stuðningsmennirnir hafa beðið eftir Meistaradeildinni síðan í maí“
Andy Robertson lagði upp eitt mark Liverpool í dramatískum 3-2 sigri á PSG í Meistaradeildinni í kvöld. Robertson hrósar stuðningsmönnum Liverpool.
