Skemmdarvargur tapaði tönnunum

Skemmdarvargur sem skemmdi John Deer traktor sem stóð við verslunina Iceland í Vesturbergi virðist hafa misst tennurnar við hamaganginn. Jóhann Helgi Hlöðversson, eigandi traktorsins, segir frá því á Facebook að skemmdarverkið hafi átt sér stað á aðfaranótt miðvikudags. Tekur hann einnig fram að tennurnar séu tólf talsins og hvetur hann fólk til að deila svo þær „rati í réttan munn“, eins og Jóhann orðar það.

Í samtali við Vísi segir Jóhann að tjónið hafi í sjálfu sér ekki verið mikið. Það hafi verið gramsað í traktornum og tvo ljós brotin. Honum þykir þó skondið að skemmdarvargurinn hafi skilið tennurnar eftir.

Kjafturinn sem tennurnar á hefur ekki ratað til Jóhanns enn en hann hefur fengið alls konar skilaboð. Einn aðili benti honum á að mögulega væri hægt að finna kennitölu á tanngarðinum, en svo reyndist þó ekki.