Auður Finnbogadóttir yfir stefnumótun hjá Kópavogsbæ

Auður Finnbogadóttir hefur verið ráðin verkefnastjóri stefnumótunar hjá Kópavogsbæ.

Þetta kemur fram í tilkynningu frá bænum þar sem segir jafnframt að Auður hafi starfað sem framkvæmdastjóri um árabil, nú síðast hjá Sólheimum ses. Þar leiddi hún stefnumótun og breytingastjórnunarferli auk endurskipulagningu rekstrar.

Áður en hún hóf störf hjá Sólheimum var hún í fimm ár hjá lífeyrissjóðnum Lífsverki.

Auður er með diplómagráðu í opinberri stjórnsýslu frá Háskóla Íslands, MBA frá Háskólanum í Reykjavík og er með B.S. gráðu í Business administration frá University of Colorado at Boulder, USA.

 

Auður mun leiða stefnumótunarvinnu Kópavogsbæjar, en við þá vinnu verður horft til Heimsmarkmiða Sameinuðu þjóðanna.

Auður mun hefja störf hjá bænum í lok ágúst.