Mikið hvassviðri glæðir skógarelda í Kaliforníu

Tveir slökkviliðsmenn hafa látið lífið í skógareldum sem geisa nú í norðurhluta Kaliforníu og þá er níu saknað. Um 38.000 íbúar í Shasta-sýslu þurft að yfirgefa heimili sín að því er fram kemur í frétt Reuters.

Um 3.400 slökkviliðsmenn vinna að slökkvistarfi en aðstæður eru með versta móti því ákaflega heitt og þurrt er í norðurhluta Kaliforníu. Hvassviðri hefur þá blásið nýju lífi í skógareldana sem geisað hafa í sex daga.

Jerry Brown, ríkisstjóri Kaliforníu, hefur óskað eftir aðstoð til að forða yfirvofandi hamfaraástandi í því sem sérfræðingar segja verstu skógarelda í áratug.