Far­fuglar í Dýra­ríkinu

Yfirdýralæknir ákvað nýlega,  að aflífa skyldi 360 heilbrigða páfagauka, finkur o.fl tegundir saklausra fugla, sem er ætlað það hlutverk að vera mönnum gæludýr. Gæludýrahlutverk dýra er mönnum mikilvægt skv. Nýlegum rannsóknum. Fuglarnir voru hins vegar svo óheppnar að lenda í tollskoðun hjá yfirdýró, hvar á einum þeirra fannst mítill nokkur, sem skírður hefur verið hinn Norræni fuglamítill. Allur túristahópurinn skyldi drepinn eða sendur til baka með flugi ökkvört til Evrópu, að sögn frú yfirdýralæknis.

Fuglarnir eru af vinsælum búrfuglategundum. Einn af þessum fuglum er, sem fyrr segir,  sagður hafa verið greindur með Norræna fuglamítilinn, en fuglinn drapst í í sóttkví og sérfræðingar á Keldum eru handvissir um að um sé að ræða óværu, sem verði að útrýma. Smásjáin svíki ekki. Mítillinn merki hafi aldrei greinst áður á Íslandi þó svo að vísindagrein, sem finna megi á skemman.is segi:  Norræni fuglamítilinn var talin vera landlægur á Íslandi af íslenskum vísindamönnum fyrir meira en áratug.

Fulltrúi fuglanna, höfundur þessa pistils,  tók fuglana undir sinn verndarvæng, að beiðni innflytjenda, enda var frá upphafi ljóst að mál fuglanna var rannsakað af mikilla handvömm og viðvaningshætti yfirdýralæknis, sem starfar hjá stofnun, sem er þekkt fyrir slíkt, Matvælastofnun.

Þegar sýnt hafði verið fram á það af eigendum fuglanna, að hægt væri að senda Norræna fuglamítilinn í sóttkví Dýraríkisins í Holtagörðum, feðra sinna til, féllst yfirdýralæknir lox á að hlusta á slík rök.

Erlendur sérfræðingur í fuglasjúkdómum við virtan háskóla í Þýskalandi þrábað vinnumenn yfirdýralæknis á símafundi, sem undirritaður sat en yfirdýralæknir þorði ekki að mæta á, að þyrma lífi þessara heilbrigðu fugla og gaf um leið heillaráð um útrýmingu meints mítils í öðrum fuglum í sóttkvínni.

Sagðist þýzki fuglasjúkdómasérfræðingur oft meðhöndla fugla með þennan mítil í sínu heimalandi, einkum á alifuglabúum - ekki vegna slæms heilsufars alifugla heldur vegna þess að alifuglaræktendur kvörtuðu yfir honum á eigin skinni. Kláða.

Þrátt fyrir að sérfræðingur í fuglasjúkdómum við sama háskóla og yfirdýralæknir öðlaðist sitt prófskírteini frá, benti á gildar leiðir til að útrýma mítlinum, hafnaði yfirdýralæknir vísindalegum leiðbeiningum þessa sérfræðings. Þvílíkur hroki.

Yfirlætisháttur yfirdýralæknis, valdníðsla, valdhroki og þekkingarleysi á meðferð laga, sem heyra undir framkvæmdavald hans er ekki nýr af nálinni.

Undir rekstri þessa máls, sem undirritaður hefur annast f.h. Dýraríkisins hefur orðið vart svo mikilla hnökra við beitingu stjórnsýslulaga að það er orðiði efni í kennslubók í lögfræði.

Hvað eftir annað hefur yfirdýralæknir þ.e. vinnumenn hans beitt réttarheimildum rangt, með ófullnægjandi hætti eða alls ekki og ekki haft grundvallarreglur stjórnsýsluréttar í heiðri. - Yfirdýralæknir hefur ekki sýnt málinu þá virðingu að koma fram sjálfur því.

Vond lykt er af þessu máli, sem hefur ekki hlotið nokkra faglega meðhöndlun af hálfu MAST. Öll viðleytni Matvælastofnunar við endurupptökubeiðni málsins ber merki sýndarmennsku. - Enda sýndi Guðni Ágústsson fyrrv. Landbúnaðarráðherra, blessuðum yfirdýralækni hnefann á fundi um landbúnaðarmál og er sagður hafa sagt: Þú yfirdýralæknir, berð ábyrð að því að mengandi óværur berist ei hingað til okkar. Yfyridýralæknir virðist ætla að hlýða útbrunnum pólitíkus.

Ekki er ólíklegt að hagsmunaaðilar, íslenskir alifuglaræktendur, séu með hálstak á yfirdýralækni og hann óttist um launaseðil sinn hlýði hann þeim ekki.

Málið er allt hið undarlegasta og lyktar af spillingu. Undrun sætir líka að Dýraverndarsamband Íslands hafi ekki haft nein afskipti af málinu í þágu fuglanna. Hljótt hefur eigi farið um málið í fjölmiðlum.

Megi dýravernd á Íslandi tryggja líf þessara fugla og búseturétt þeirra á Íslandi.

X dýravernd á Íslandi. Megi fuglarnir lifa og fá frelsi.