Ísland verður á fyrra undankvöldi Eurovision

Fulltrúi Íslands í Eurovision í ár mun stíga á svið á fyrra undankvöldi keppninnar þriðjudagskvöldið 8. maí næstkomandi. Rétt í þessu var dregið í fyrri og seinni hluta undankvöldin tvö í Eurovision sem fer fram í Lissabon í Portúgal í ár. 

Ísland verður í fyrri hluta á svið á fyrra undankvöldinu í ár.

Finnland er eina Norðurlandaþjóðin sem kemur fram sama kvöld og Ísland. Danmörk, Svíþjóð og Noregur drógust öll á seinna kvöldið.

Einnig var dregið um hvort undankvöldið þau sex lönd sem fara beint í úrslit taka þátt í kosningu. Spánn, Bretland og Portúgal taka þátt í kosningunni á fyrra undankvöldinu, þegar Ísland kemur fram. Ítalía, Frakkland og Þýskaland kjósa seinna undankvöldið.

Þetta kom fram í beinni útsendingu frá Portúgal sem sjá má hér fyrir neðan.

Röðin í fyrri undanriðlinum 8. maí er svona:



Fyrri hluti:

• Hvíta Rússland
• Búlgaría
• Litháen
• Albanía
• Tékkland
• Belgía
• Ísland
• Aserbaídsjan
• Ísrael
• Eistland
  
  

Seinni hluti:

• Sviss
• Finnland
• Austurríki
• Írland
• Armenía
• Kýpur
• Króatía
• Grikkland
• Makedonía  

Seinna undankvöldið sem fer fram fimmtudagskvöldið 10. maí lítur svona út:

Fyrri hluti:

• Rússland
• Serbía
• Danmörk
• Rúmenía
• Ástralía
• Noregur
• Moldovía
• San Marínó
• Holland
  
  

Seinni hluti:

• Svartfjallaland
• Svíþjóð
• Ungverjaland
• Malta
• Lettland
• Georgía
• Pólland
• Slóvenía
• Úkraína

Portúgal er gestgjafi keppninnar í ár eftir að hafa unnið í fyrra og fær því sjálfkrafa þátttökurétt í úrslitum Eurovision ásamt Spáni, Bretlandi, Frakklandi, Þýskalandi og Ítalíu. Úrslitakvöldið fer fram laugardagskvöldið 12. maí.