Grófa flísefnið í aðalhlutverki

Það er yfirleitt líklegt til vinsælda þegar tískuhús fara í samstörf við þekkt merki á öðrum sviðum, eins og í þessu tilfelli hjá bandarísku keðjunni Nordstrom sem gerði heila fatalínu með útivistarmerkinu The North Face. 

Línan smellpassar inn í trend ársins - þar sem litagleðin ræður ríkjum og gróft flísefni í aðalhlutverki. Takið eftir veskinu - maður kannast nú ansi mikið við þessi veski með franska rennilásnum sem gjarna voru föst í buxnunum með keðju til að kóróna heildarútkomuna. 

Þetta er svo sannarlega vel heppnað samstarf og mun eflaust ekki staldra lengi við í búðinni.