Öskubuskulið Östersund fékk Arsenal

Östersund, öskubuskuliðið frá Svíþjóð sem er komið í 32-liða úrslit í Evrópudeild UEFA, datt í lukkupottinn en liðið drógst gegn Arsenal í 32-liða úrslitum keppninnar í dag.

Uppgangur Östersund hefur verið mikill síðustu ár en fáir reiknuðu með því að liðið gæti komist svo langt í Evrópukeppninni. Liðið sló út Galatasaray og PAOK í forkeppninni og skildi svo Zorya Luhansk og Herthu Berlín eftir í riðlakeppninni.

Arsenal lenti ekki í teljandi vandræðum í sínum riðli á fyrsta tímabili liðsins í Evrópudeild UEFA og komst örugglega áfram í 32-liða úrslitin.

FCK frá Danmörku fékk stórlið Atletico Madrid í 32-liða úrslitunum og þá mætir Napoli liði RB Leipzig frá Þýskalandi.

Leikirnir fara fram 15. og 22. febrúar næstkomandi.

Dortmund - Atalanta

Nice - Lokomotiv Moskva

FCK - Atletico Madrid

Spartak Moskva - Athletic Bilbao

AEK - Dynamo Kiev

Celtic - Zenit

Napoli - Leipzig

Rauða stjarnan - CSKA Moskva

Lyon - Villarreal

Real Sociedad - Salzburg

Partizan - Plzen

FCSB - Lazio

Ludogorets - AC Milan

Astana - Sporting

Östersund - Arsenal

Marseille - Braga