Þetta þýðir að PSG-liðið er nú búið að skora 24 mörk í 5 leikjum sínum í riðlakeppni Meistaradeildarinnar og það er nýtt met. PSG er með 4,8 mörk að meðaltali í leik.
Gamla metið yfir flest mörk í riðlakeppni Meistaradeildarinnar átti þýska liðið Borussia Dortmund sem skoraði 21 mark í riðli sínum á síðasta tímabili.
Neymar og félagar eru því algjörlega búnir að rústa markametinu í Meistaradeildinni þrátt fyrir að það sé enn einn leikur eftir. Liðið spilar við Bayern München 5. desember næstkomandi.
Paris Saint-Germain has scored 24 goals in this year's Champions League group stage, the most ever by a team in a single season. (Prev: 2016-17 Dortmund - 21)
They still have one match to play (Dec. 5 at Bayern Munich).
— ESPN Stats & Info (@ESPNStatsInfo) November 22, 2017
Edinson Cavani og Neymar hafa báðir skorað sex mörk í þessum fimm leikjum en Neymar er einnig með fjórar stoðsendingar.
Layvin Kurzawa og Kylian Mbappé hafa síðan skorað þrjú mörk hver. Kurzawa er vinstri bakvörður og Mbappé er ekki orðinn 19 ára gamall.
0-5 Celtic
3-0 Bayern
0-4 Anderlecht
5-0 Anderlecht
7-1 Celtic
Unstoppable. pic.twitter.com/I7y7olcvIV
— GeniusFootball (@GeniusFootball) November 22, 2017
— OptaJoe (@OptaJoe) November 22, 2017
Leikmenn Paris Saint Germain hafa skorað átta mörkum meira en næsta lið í keppninni sem er enska liðið Liverpool. Liverpool er samt með 3,2 mörk að meðaltali í leik sem ætti oftast að duga í efsta sætið.
Flest mörk í Meistaradeildinni til þessa í vetur:
Paris Saint Germain 24
Liverpool 16
Chelsea 15
Real Madrid 14
Manchester City 13
Sevilla 11
Tottenham 11
Porto 10
Bayern München 10
Napoli 10
Manchester United 10
