Tvær þrennur í Meistaradeildinni

Harry Kane skoraði þrennu í 0-3 sigri Tottenham á APOEL í H-riðli Meistaradeildar Evrópu í kvöld.

Í hinum leik riðilsins áttust Dortmund og Real Madrid við og fór Madrid með 1-3 sigur.

Cristiano Ronaldo skoraði sitt 410. mark fyrir Madrid í 400. leiknum sínum fyrir félagið.

Real Madrid og Tottenham hafa bæði unnið fyrstu tvo leiki sína í riðlinum.

Wissam Ben Yedder gerði líka þrennu fyrir lið sitt Sevilla sem lagði FH-banana í Maribor 3-0 á heimavelli í E-riðli.

Liverpool og Spartak Moskva gerðu 1-1 jafntefli í Rússlandi. Fernando gerði mark Spartak beint úr aukaspyrnu áður en Coutinho jafnaði metin fyrir Liverpool.

Napólí vann 3-1 sigur á Feyenoord á Ítalíu í F-riðli. Jens Toornstra misnotaði vítaspyrnu fyrir Napólí.

Manchester City er á toppi riðilsins, en liðið vann 2-0 sigur á Shakhtar Donetsk með mörkum frá Raheem Sterling og Kevin De Bruyne.

Porto vann 0-3 sigur á Mónakó í G-riðli. Vincent Aboubakar gerði tvö mörk fyrir Porto og Miguel Layun innsiglaði svo sigurinn.

Besiktas vann Leipzig 2-0 í Tyrklandi. Stöðva þurfti leikinn í seinni hálfleik vegna bilana í ljósabúnaði, en hann var lagaður og leikurinn gat klárast í kvöld.

Úrslit kvöldsins

E-riðill

Spartak Moskva 1 - 1 Liverpool

Sevilla 3 - 0 Maribor

F-riðill

Napólí 3 - 1 Feyenoord

Manchester City 2 - 0 Shakhtar Donetsk

G-riðill

Porto 0 - 3 Mónakó.

Besiktas 2 - 0 Leipzig

H-riðill

APOEL 0 - 3 Tottenham

Dortmund 1 - 3 Real Madrid