Icelandair hefur áætlunarflug til Dallas

Icelandair hefur ákveðið að hefja heilsársflug til bandarísku borgarinnar Dallas á næsta ári. Flugið til Dallas hefst í maí 2018 og flogið verður fjórum sinnum í viku.

Í tilkynningu frá Icelandair segir að borgin verði tuttugasti áfangastaðurinn í Norður-Ameríku sem Icelandair býður upp á í leiðakerfi sínu, en nýlega kynnti félagið Cleveland sem áfangastað.

„Við höfum lengi horft til Dallas sem áfangastaðar sem fellur vel að leiðakerfi okkar og þéttir og styrkir tengiflugið til og frá Evrópu. Flugtíminn er tæplega 8 klukkustundir og Boeing 757 vélar okkar eru afar hagkvæmur kostur fyrir þessa flugleið“, er haft eftir Birki Hólm Guðnasyni, framkvæmdastjóri Icelandair, í tilkynningunni.