Greiðslustöðvun áfram hjá United Silicon

Kísilverksmiðja United Silicon fær áframhaldandi greiðslustöðvun til 4. desember. Héraðsdómur Reykjaness félst á beiðni þess efnis í dag. Ríkisútvarpið og Mbl.is segja frá þessu.

Upphaflega fékk stjórn Sameinaðs Silicons ehf. heimild til greiðslustöðvunar sem miðaði að því að ná bindandi nauðasamningum við lánadrottna um miðjan ágúst.

Ástæðan þá var sögð erfiðleikar í rekstri kísilmálmverksmiðju fyrirtækisins í Helguvík.

Mbl.is segir að kröfuhafar United Silicon hafi óskað eftir framlengingu á greiðslustöðvun félagsins sem unnt verði að finna lausn á vanda þess fyrir helgi.

Umhverfisstofnun ákvað að stöðva starfsemi verksmiðjunnar í Helguvík á föstudag. Vísaði hún til þess að ríflega þúsund kvartanir hafi borist frá íbúum Reykjanesbæjar vegna mengunar. Frávik frá starfsleyfi verksmiðjunnar hafi verið alvarleg.