Alfreð Finnboga og Aron Jóhanns komu báðir við sögu í þýsku úrvalsdeildinni í dag

Alfreð Finnbogason var í byrjunarliði Augsburg gegn Hamburg í þýsku úrvalsdeildinni í dag.

Hamburg byrjaði leikinn betur og skoraði Þjóðverjinn Nicolai Muller strax á 8. mínútu leiksins. Fleiri reyndust mörkin ekki vera og endaði leikurinn með 1-0 sigri Hoffenheim.

Aron Jóhannsson byrjaði á bekknum fyrir Werder Bremen þegar lið hans sótti Hoffenheim heim. Hann kom inn fyrir Maximilian Eggestein á 88. mínútu.

Króatinn Andrej Kramaric skoraði sigurmark Hoffenheim á 85. mínútu leiksins.

Dortmund lyfti sér upp að hlið Bayern Munich á toppi deildarinnar með 3-0 sigri á Wolfsburg.

Hinn ungi Christian Pulisic og Marc Bartra skoruðu báðir í fyrri hálfleik. Pierre-Emerick Aubameyang innsiglaði svo sigur Dortmund á 60. mínútu.