Glamour

Ein vinsælasta lýtaaðgerðin í dag

Ritstjórn skrifar
Glamour/Getty
Það eru ekki allir svo heppnir að fæðast með spékoppa, en þökk sé nýjustu lýtaaðgerðum þá er tiltölulega lítið mál að búa þá til. Þetta er ein vinsælasta lýtaaðgerðin í dag og hefur eftirsókn hennar þrefaldast á síðustu árum. Stjörnurnar Miranda Kerr og Harry Styles fæddust með náttúrulega spékoppa, og eru myndir af þeim oft notaðar til að selja fólki aðgerðina.

Aðgerðin telst minniháttar og tekur yfirleitt um 30 mínútur. Skorið er í vöðva inn í kinninni og spékoppur búinn til. Aðgerðin er vinsæl meðal ungs fólks því hún tekur lítinn tíma, það er engin svæfing og nánast ekkert vesen. Fyrstu mánuðina eftir aðgerðina eru spékopparnir hins vegar nánast alltaf sýnilegir, en svo hverfa þeir og koma fram þegar manneskjan brosir. 

Fyrir áhugasama kostar aðgerðin í kringum 85.000-210.000 krónur. Hafa skal í huga að ef eitthvað mistekst í aðgerðinni er erfitt að laga það, og getur orðið eftir varanlegt ör í kinninni. 

Erum við ekki bara öll falleg eins og við erum? Með eða án spékoppa.







Mest lesið




×

Mest lesið