Vaxandi vinsældir dróna

Dronefly sér um sölu á DJI drónum fyrir áhugafólk og fagfólk. Boðið er upp á sérhæfða viðgerðarþjónustu og reynslumiklir flugmenn Dronefly taka ljósmyndir og myndbönd fyrir auglýsingar og önnur verkefni.

Mikil gæði í DJI-drónum

Dronefly hefur til sölu DJI dróna sem eru afar notendavænir. „Þeir tengjast allt að 21 gervitungli og stinga þannig ekki af undan vindi. Þeir halda sér á punktinum ef fjarstýringu er sleppt og eru þar af leiðandi mjög stöðugir. Þeir koma sjálfir heim á heimapunkt og geta einnig elt þig. Þeir bjóða upp á marga fleiri eiginleika sem hjálpa þér að ná þínu fullkomna skoti,“ segir Arnar. Hann bætir við að DJI drónarnir hafi svokallað gáfað batt­erí. „Dróninn lætur vita ef hann er að verða batteríslaus og passar að láta vita í tíma svo að nóg sé eftir á batteríinu til að snúa við og fljúga heim. Þá byrjar hann að lækka flugið ef hættulega lítil hleðsla er á batteríinu.“

Leigja út flugmenn og stöðugleikakerfi

Stór hluti af starfsemi Dronefly er útleiga á drónum sem stjórnað er af starfsmönnum fyrirtækisins en þeir eru með um fimm ára reynslu í að fljúga drónum. „Við erum með dróna sem henta í hvaða verkefni sem er, allt frá litlum auglýsingum upp í þær stærstu. Við erum einnig að leigja út „Ronin Gimbal“ sem er stöðugleikakerfi fyrir myndavélar en það hentar bæði fyrir DSRL vélar upp í nánast fullvaxnar kvikmyndavélar.“

Sérhæfð viðgerðarþjónusta

Hjá Dronefly er rekin viðgerðar­þjónusta sem sérhæfir sig í viðgerðum á drónum. Hátækniverkfræðingur með sérmenntun í ómönnuðum loftförum frá Bretlandi starfar þar við viðgerðir. „Við gerum við allar tegundir flygilda, og eigum flesta varahluti til á lager fyrir DJI dróna. Við græjum þá á einum eða tveimur dögum ef varahluturinn er til á lager hjá okkur.“

Dronefly mun einnig bjóða upp á námskeið fyrir byrjendur og lengra komna. „Þar förum við yfir það helsta sem þarf að vita varðandi reglur, umhirðu og viðhald á drónanum og svo auðvitað hvernig á að fljúga í fyrsta skipti og hvernig skal bregðast við og koma í veg fyrir óhöpp,“ segir Arnar.

Dronefly, Krókhálsi 6, s. 566-6666. Nánari upplýsingar má nálgast á hér.