Gunnar í skýjunum með nýju Spiderman-myndina

Það er fyrir löngu síðan orðin hefð hjá Gunnari Nelson fyrir bardaga að skella sér í bíó og hann var ekkert að brjóta þá hefð að þessu sinni.

Í gærkvöldi fór Gunnar, ásamt föruneyti, í bíó í Glasgow. Myndin sem varð fyrir valinu var nýja Spiderman-myndin.

Samkvæmt heimildarmönnum Vísis þá var Gunnar himilfandi með myndina. „Besta Spiderman-myndin til þessa,“ sagði Gunnar við vini sína eftir myndina. Engin smá meðmæli það.

Vonandi verður Gunnar álíka öflugur og Köngulóarmaðurinn er hann mætir Santiago Ponzinibbio á sunnudag.