Súdan komið í bann hjá FIFA

Alþjóða knattspyrnusambandið, FIFA, hefur meinað Súdan að taka þátt í öllum viðburðum á vegum sambandsins vegna afskipta stjórnvalda í landinu á knattspyrnunni.

FIFA gaf þeim aðvörun fyrir um mánuði síðan er stjórnvöld í Súdan ákváðu að skipta um forseta hjá knattspyrnusambandinu.

Þetta bann hefur meðal annars áhrif á Meistaradeildina í Afríku. Í dag áttu til að mynda að fara fram tveir leikir með liðum frá Súdan. Þeir fara augljóslega ekki fram.

Það eru mikil læti í Súdan út af málinu enda knattspyrnumál þjóðarinnar í uppnámi út af þessum afskiptum stjórnvalda.