Innlent

Fyrsta flug Icelandair frá Philadelphia endaði í Boston

Kolbeinn Tumi Daðason skrifar
Frá komu flugvélar Icelandair í fyrradag.
Frá komu flugvélar Icelandair í fyrradag. Icelandair
Flugvél Icelandair sem fljúga átti frá Philadelphiu í Bandaríkjunun áleiðis til Íslands í gærkvöldi þurfti að snúa við og lenda í Boston í nótt. Ástæðan var bilun í vélbúnaði samkvæmt tísti Icelandair en orðalagið „tæknilegir erfiðleikar“ er notað á heimasíðunni. 

 Meðal farþega í vélinni eru borgarstjórar Philadelphiu og Reykjavíkur en um fyrsta flug Icelandair frá bandarísku borginni til Íslands er að ræða. Reiknað er með því að farþegarnir komi til Íslands frá Boston í nótt, tæpum sólarhring á eftir áætlun. Vélin átti að lenda í Keflavík í morgun.

Borgarstjórarnir við hátíðlega athöfn í Philadelphiu í fyrradag.Icelandair
Dagur B. Eggertsson, borgarstjóri í Reykjavík, heimsótti kollega sinn í Philadelphiu, Jim Kenney, í tilefni nýrrar flugleiðar. Var hátíðleg athöfn í Philadelphiu í fyrradag þegar flugvél Icelandair lenti í fyrsta skipti ytra. 

 Kollegarnir fá sólarhring til viðbótar til að fara yfir málin í Boston í dag.  Icelandair biðst afsökunar á biluninni og segir um afar óvenjulegt atvik að ræða.

Þá sendi flugvöllurinn í Philadelphia frá sér yfirlýsingu og sagði að reynt yrði að sjá til þess í framtíðinni að flug milli borgarinnar og Íslands gengu betur í framtíðinni.

Farþegar í fluginu hafa greint frá því, bæði í viðtali við bandaríska fjölmiðla og á Twitter, að skrýtin lykt hafi verið aftarlega í flugvélinni við brottför frá Philadelphia. Einn farþegi ræðir það í fréttinni hér að neðan.

 Frétt ABC í Philadelphia má sjá hér að neðan.

Icelandair

Mest lesið


Fleiri fréttir

Sjá meira


×

Mest lesið