Harður árekstur tveggja bíla og strætisvagns á Miklubraut

Tveir voru fluttir á sjúkrahús eftir harðan árekstur á Miklubraut á sjöunda tímanum í kvöld. Um var að ræða árekstur tveggja bíla og strætisvagns en enginn slasaðist alvarlega að sögn slökkviliðsins á höfuðborgarsvæðinu.

Þeir tveir sem voru fluttir á sjúkrahús voru í öðrum fólksbílnum en enginn af farþegum strætisvagnsins slösuðust alvarlega.

Slökkviliðið hefur sent dælubíl á vettvang fjórum sinnum það sem af er degi. Einu sinni vegna umferðarslyss, tvisvar vegna elds og einu sinni vegna vatnsleka.