Stolt af því að vera kvenfélagskona

Kvenfélög gegn mikilvægu hlutverki um allt land, ekki síst í sveitum þar sem félögin styrkja mikilvæg málefni og sjá um kaffiveitingar, eins og til dæmis í erfisdrykkjum og á fundum.

 

Formaður kvenfélags Villingaholtshrepps sem fagnar nú hundrað ára afmæli segir mjög gefandi og skemmtilegt að vera í kvenfélagi.

Hundraðasti aðalfundur kvenfélags Villingaholtshrepps var haldin í félagsheimilinu Þjórsárveri í Flóahreppi. Í félaginu eru 29 konur úr sveitinni og allir núlifandi formenn, sjö talsins mættu á fundinn. Konurnar voru myndaðar í bak og fyrir í tilefni af 100 ára afmælinu.  

„Það hefur gengið bara mjög vel. Þetta hefur verið mjög farsælt félag og mikið gefið af sér til samfélagsins. Margar konur hafa komið að og verið í þessu félagi,“ segir Sólveig Þórðardóttir, formaður Kvenfélags Villingaholtshrepps.

Hvað gera kvenfélög eins og ykkar kvenfélag?

„Við erum mikið í því að selja veitingar. Bæði eru það erfidrykkjur, sem er náttúrulega okkar stærsti hlutur í raun. Svo höldum við basar með hinum kvenfélögunum, við erum með Fjör í flóa, með heilmikla veitingasölu þar þannig að það eru svona stærstu póstarnir til að geta safnað fé til að geta gefið.“

En þá er spurningin, er það lummó að vera í kvenfélagi í dag eða er það skemmtilegt og töff?

„Mér finnst það rosalega flott og ég er rosalega stolt af því að vera kvenfélagskona og ég vona að hinar séu sammála því líka.“

Af hverju er það svona flott?

„Það bara gefur manni svo mikið. Það er svo gott þegar maður getur farið á stofnanir og gefið stórar og góðar gjafir sem fólk þarf á að halda en kannski ríkisvaldið sér ekki um að redda sem það ætti að gera. Manni líður þá svo vel.“

Þannig að þetta er þakklátt starf?

„Þetta er mjög þakkátt starf já, og bara gaman að vera saman.“