Hissa á gagnrýninni sem hann fékk fyrir að spila golf með Trump

Einn besti kylfingur heims, Rory McIlroy, spilaði golf með Donald Trump Bandaríkjaforseta á dögunum og vakti það mikla athygli.

Ekki bara vakti það athygli heldur var Norður-Írinn talsvert gagnrýndur fyrir að spila við Trump. Hann var meðal annars kallaður fasisti og hálfviti.

„Það er ekki eins og við höfum verið að ræða utanríkismál á vellinum. Við vorum að tala um golf,“ sagði McIlroy en hann var mjög hissa á umræðunni sem fór í gang eftir hringinn.

„Ég var bara að reyna að sýna virðingu. Er Bandaríkjaforseti hringir og vill spila þá segir maður ekki nei. Ég er ekki sammála öllu sem hann segir en að er bara þannig. Ég er ekki Bandaríkjamaður og get ekki kosið þar í landi. Það var annars súrrealísk reynsla að spila golf með lögreglumönnum og leyniskyttum út um allt.“

Rory hitti líka Tiger Woods á dögunum og sagði að Tiger væri á ágætum stað en hann er enn að glíma við meiðsli.

„Andlega hliðin er í góðu standi hjá honum og það er enn möguleiki að hann geti verið með á Masters.“