Mynd að komast á HM-hóp Dags

Dagur Sigurðsson, þjálfari þýska karlalandsliðsins í handbolta, hefur valið 18 leikmanna æfingahóp liðsins fyrir HM í Frakklandi sem fer fram í janúar.

Líkt og allir þjálfarar þeirra liða sem taka þátt á HM valdi Dagur upphaflega 28 leikmenn í HM-hóp sinn. Hann hefur nú skorið hann niður um 10 leikmenn.

Lokahópurinn telur 16 leikmenn en heimilt er að gera tvær breytingar á honum á meðan á HM stendur.

Nokkuð er um forföll í þýska liðinu. Skytturnar Steffen Weinhold, Fabian Wiede og Christian Dissinger eru meiddir og línumaðurinn Hendrik Pekeler óskaði eftir því að fá hvíld.

Tíu af 18 leikmönnum í hópnum voru í þýska liðinu sem vann til bronsverðlauna á Ólympíuleikunum í ágúst. Ellefu leikmenn í HM-hópnum léku á EM í Póllandi í byrjun árs þar sem Þjóðverjar stóðu uppi sem sigurvegarar.

Heimsmeistaramótið í Frakklandi verður síðasta stórmót Dags með þýska landsliðið en hann hefur sem kunnugt er samið við japanska handknattleikssambandið um að þjálfara karlalandslið Japans til ársins 2024.

Þýskaland leikur tvo vináttulandsleiki fyrir HM, gegn Rúmeníu 3. janúar og Austurríki 9. janúar.

Þjóðverjar eru í riðli með Ungverjalandi, Króatíu, Hvíta-Rússlandi, Síle og Sádí-Arabíu á HM sem hefst 11. janúar á næsta ári.

Átján manna HM-hópur Þýskalands er skipaður eftirtöldum leikmönnum:

Markverðir:

Silvio Heinevetter - Füchse Berlin, 150 landsleikir/1 mark),

Andreas Wolff - THW Kiel, 42/6

Vinstri hornamenn:

Uwe Gensheimer - Paris Saint-Germain HB, 131/585

Rune Dahmke - THW Kiel, 20/46

Vinstri skyttur:

Finn Lemke - SC Magdeburg, 43/21

Paul Drux - Füchse Berlin, 42/95

Steffen Fäth - Füchse Berlin, 43/82  

Philipp Weber - HSG Wetzlar, 0/0

Julius Kühn - VfL Gummersbach, 21/76

Leikstjórnendur:

Simon Ernst - VfL Gummersbach, 28/29,

Niclas Pieczkowski - SC DHfK Leipzig, 21/24

Hægri skyttur:

Kai Häfner - TSV Hannover-Burgdorf, 41/90

Jens Schöngarth - Frisch Auf Göppingen, 17/26

Hægri hornamenn:

Tobias Reichmann - KS Vive Tauron Kielce, 58/181

Patrick Groetzki - Rhein-Neckar Löwen, 102/274

Línumenn:

Patrick Wiencek - THW Kiel, 94/216

Erik Schmidt - TSV Hannover-Burgdorf, 34/38

Jannik Kohlbacher - HSG Wetzlar, 21/40