Ralph Lauren hlýtur heiðursverðlaun fyrir ævistarf sitt

Breska tískuráðið, eða British Fashion Council, tilkynnti í dag að Ralph Lauren mun hljóta heiðurverðlaun á bresku tískuverðlaununum sem haldin verður eftir tvær vikur. Ástæðan fyrir því mun vera vegna þess óborganlega framlags sem Lauren hefur lagt til tískuheimsins. Honum hefur tekist að skapa sér arfleið sem hann getur verið stoltur af en hann stofnaði sitt eigið tískuhús árið 1967.

Ralph Lauren er óneitanlega einn virtasti og áhrifamesti tískuhönnuður Bandaríkjana. Margir segja að hinn klassíski bandaríski stíll hafi sprottið upp frá hans hönnun. 

Verðlaunaafhendingin mun fara fram í Royal Albert Hall í London í byrjun desember. Þar verður einnig tilkynnt um fyrirsætu ársins, fatahönnuð ársins og margt fleira. Ralph mun feta í fótspor Karl Lagerfeld, Anna Wintour og Manolo Blahnik sem öll hafa hlotið verðlaunin á seinustu árum.