Árás gerð á Souda-búðirnar

Yfir hundrað og fimmtíu manns flúðu í dag Souda-flóttamannabúðirnar á grísku eyjunni Chios vegna árása sem gerðar voru á búðirnar í gær og í dag. Bensínsprengjum var kastað á búðirnar, kveikt var í flugeldum og steinum og öðru lauslegu kastað í átt að tjöldunum.

Fjórir hafa verið handteknir grunaðir um árásirnar, en þeir eru flóttamenn frá Alsír og Íran. Einn slasaðist alvarlega í árásunum eftir að hafa fengið stein í höfuðið. Þá eru fjölmörg tjöld algjörlega ónýt.

Talsmaður flóttamannastofnunarinnar UNHCR segir fólk óttaslegið eftir atburðina og neiti að snúa aftur í búðirnar. Yfir sextán þúsund manns halda nú til í flóttamannabúðum á grísku eyjunum, flestar þeirra eru yfirfullar og aðstæður slæmar.