Forseti Íslands, Guðni Th. Jóhannesson, hefur tilkynnt að hann muni halda viðræðum sínum við forystufólk flokkanna áfram á morgun með það fyrir augum að taka afstöðu til veitingar umboðs til stjórnarmyndunar á næstu dögum.
Sjá tilkynninguna hér fyrir neðan:
Forseti Íslands Guðni Th. Jóhannesson hefur í dag, mánudaginn 31. október, átt viðræður við forystumenn allra þeirra stjórnmálaflokka sem eiga fulltrúa á nýkjörnu Alþingi. Með viðræðunum var varpað ljósi á þá stöðu sem nú hefur skapast eftir að sitjandi ríkisstjórn missti þingmeirihluta sinn.
Á morgun mun forseti ræða áfram við forystufólk flokkanna með það fyrir augum að taka afstöðu til veitingar umboðs til stjórnarmyndunar á næstu dögum.
Forsetinn heldur viðræðum við forystufólk flokkanna áfram á morgun
